Бројот на невработени во Македонија во второто тримесечје од 2023 година изнесувал 103.888 лица, што е намалување во однос на претходното тримесечје кога бројот на невработени бил 104.403 лица, покажуваат новите податоци на Државниот завод за статистика.
Од вкупниот број невработени во второто тримесечје 62.171 се мажи, а 41.717 се жени.
Забележително е дека во периодот јануари-јуни годинава има раст на бројот на работоспособно и на активно население. Имено, во првото тримесечје во земјава имало 1.513.786 работоспособни лица, а во второто оваа бројка се зголемила на 1.515.012 лица. Истовремено, бројот на активно население се зголемил од 787.645 на 793.602 лица.
Во Македонија во второто тримесечје имало 689.714 вработени лица, што е зголемување во однос на претходното тримесечје кога се евидентирани 683.242 вработени лица.
.webp){kind=icon}
