.webp){kind=icon}
Стагнацијата во земјите од Европската Унија се пресликува во македонската економија. Извозот во периодот од јули до септември се намалил за 3,5 отсто. Тоа, според аналитичарот на „Блумберг Адрија“ Михаил Блажековиќ, е навестување дека падот ќе продолжи и во следниот период.
„Исто така, увозот падна за 10,5 отсто во третиот квартал, што е само дополнителен показател за идниот пад на извозот, со оглед на зависноста на извозот од увозот на инпути за финални извозни производи“, вели Блажековиќ.
Тој натаму образложува дека 80 отсто од вкупниот извоз на Македонија оди во земјите на Европската Унија, што доволно зборува за големата зависност на земјата од ситуацијата во Европа.
Прочитај повеќе
Песимистички прогнози за трговската размена до крајот на 2023 година
Врз падот на БДП влијае инфлацијата, која сè уште е висока и ги кочи новите инвестиции на стопанството, вели универзитетскиот професор Ванчо Узунов.
20.09.2023
ББА-анализа: Лошите прогнози за извозните партнери нови лоши вести за нас
Надворешната трговија во регионот Адрија ќе оди по надолна патека во 2023 година.
20.03.2023
Германија бавно ќе закрепнува: Колку тони тежи тоа во македонски мерки
Моторот на европската економија за две години ќе се стабилизира, но ќе остане далеку од нивото од пред кризата.
19.09.2023
БДП тргна надолу: Германската криза го „турна“ македонскиот извоз
Извозот во вториот квартал бележи значителен пад.
12.09.2023
Mихаел Блажековиќ, Блумберг Адрија аналитикс
„Исто така, кога гледаме поединечно, дури 44 отсто од вкупниот извоз на стоки на Македонија оди во Германија. Германската економија танцува на работ од нула отсто, а очекувањата за производството и услугите не предвидуваат подобра ситуација во наредните месеци. Оваа состојба се рефлектира во последните три месеци во извозот на Македонија. Падот на извозот во Германија во однос на третиот квартал од 2022 година изнесува 10,3 отсто“, вели Блажековиќ.
Најзначајниот пад во третиот квартал може да се забележи во падот од 10 отсто на извозот на хемиски производи, што има доста влијание врз вкупниот пад на извозот, имајќи предвид дека хемиските производи сочинуваат 32 отсто од вкупниот извоз на Македонија.
„Во следните месеци очекуваме дополнителен пад и на извозот и на увозот поради натамошниот пад на германските индустриски нарачки, кои паѓаат повеќе од десет месеци, додека индексите на индустриското расположение се далеку од намалување. Германскиот производствен индекс PMI е само 40,8, што е доволен знак дека забавувањето во Германија сигурно ќе се прелее и на извозот на Македонија“, наведува Блажековиќ во својата анализа.
Вкупно годинава до септември, споредено со девет месеци лани, извозот бележи мал раст од 1,4 отсто.
