Владата на аукција ќе бара заем од 72 милиони евра

Министерството за финансии на аукција закажана за 12 декември годинава ќе им понуди на инвеститорите три емисии на државни хартии од вредност во вкупен износ од 4,45 милијарди денари (72,3 милиони евра).

Министерството ќе понуди едногодишни државни записи во вредност од 2,6 милијарди денари(42,2 милиони евра) со камата од 4,25 проценти, 15-годишни државни обврзници во вредност од 1,2 милијарди денари (19,5 милиони евра) со камата од 6,15 проценти и тригодишни државни обврзници во вредност од 650 милиони денари (10,5 милиони евра) и камата од 4,45 проценти. 

Во проспектите за претстојните аукции се нагласува дека износот на државни хартии од вредност што достасува за исплата во декември годинава изнесува 13,9 милијарди денари или околу 226,5 милиони евра.

Во моментов нема коментари за веста. Биди прв да коментира...

Остави коментар