Прометот во индустријата во октомври 2023 година во однос на октомври 2022 година се зголемил за 4,8 проценти, соопшти Државниот завод за статистика. Според главните индустриски групи, вкупниот промет во индустријата во октомври 2023 година, во однос на октомври 2022 година, бележи пораст кај интермедијарните производи, освен енергија за 7,7 проценти и нетрајните производи за широка потрошувачка за 14,1 проценти, додека опаѓање бележи кај капиталните производи за 1,9 проценти и трајните производи за широка потрошувачка за 10,3 проценти.
Прометот во индустријата во октомври 2023 година во однос на септември 2023 година се намалил за 1,5 проценти, додека во периодот јануари – октомври 2023 година, во однос на периодот јануари – октомври 2022 година се зголемил за три проценти.
Прометот во индустријата на домашниот пазар во октомври 2023 година, во однос на октомври 2022 година се зголемил за 7,8 проценти.
„Според главните индустриски групи, прометот во индустријата на домашниот пазар во октомври 2023 година, во однос на октомври 2022 година, бележи пораст кај интермедијарните производи, освен енергија за 1,7 проценти, капиталните производи за 86,6 проценти, трајните производи за широка потрошувачка за 3,8 проценти и нетрајните производи за широка потрошувачка за 8,5 проценти.“, информира ДЗС.
Прометот во индустријата на домашниот пазар, во октомври 2023 година, во однос на септември 2023 година се зголемил за 0,2 проценти, додека во периодот јануари – октомври 2023 година, во однос на периодот јануари – октомври 2022 година, се зголемил за 2,1 проценти.
Прометот во индустријата на странските пазари, во октомври 2023 година, во однос на октомври 2022 година се зголемил за 4,3 проценти.
Според главните индустриски групи, прометот во индустријата на странските пазари во октомври 2023 година, во однос на октомври 2022 година, бележи пораст кај интермедијарните производи, освен енергија за 10,1 проценти и нетрајните производи за широка потрошувачка за 18,6 проценти, додека опаѓање бележи кај капиталните производи за 2,6 проценти и трајните производи за широка потрошувачка за 9,1 проценти.
.webp){kind=icon}