.webp){kind=icon}
Регулаторната комисија за енергетика ги објави цените за електричната енергија за домаќинства што ќе почнат да се применуваат од 1 јануари 2024 година. Во првиот блок цената ќе се намали за 5,16 отсто, во вториот блок и за евтината тарифа останува иста, во третиот блок се зголемува за 2,88отсто, а во четвртиот блок за 1,86 отсто.
Според регулаторната комисија, доколку не се имплементирал новиот надоместок за пристап до мрежа, цената во првиот блок ќе се зголемела за 3,1 отсто, за 8,62 отсто во вториот, за 9,46 отсто во третиот и за 4,92 отсто во четвртиот блок, додека евтината тарифа ќе се зголемела за 15,42 отсто.
МИА
„Во моментот кога се имплементираше надоместокот за пристап на мрежа се водевме од темелните вредности на Уставот, а тоа е социјалната правда. Со новиот концепт пристап кон мрежа се направи фер распределба на трошокот за мрежа меѓу редовните корисници и оние потрошувачи што повремено ги користат објектите. Надоместокот е 200 денари, а истовремено овозможивме цената за мрежарина да се намали за 23 отсто“, велат оттаму.
Од регулаторната комисија информираа дека кај 80 отсто од домаќинствата функционира евтината тарифа од 13 до 15 часот, која се воведе од почетокот на месецов.
