Македонија располага со сонце и почва и тие треба да се искористат за поголемо домашно производство на храна и енергија. На тој начин ќе можеме кризата да ја претвориме во можност, вели Благица Петрески, извршна директорка на Фајнанс Тинк во разговор за Блумберг Адриа ТВ.
Како ќе се движи инфлацијата до крајот на годината, Петрески вели дека во моментов е тешко да се прогнозира затоа што сеуште постојат нагласени ризици, а меѓу нив најзаначјни се цените на храната и енергенсите.
Таа вели дека Владата поскоро треба да донесе нов пакет антикризни мерки и за компаниите кои се соочени со потешкотии во работењето заради скапите енергенси, но и за најранливите категории граѓани погодени од високите цени.
„Тие мерки треба да бидат потаргетирани од претходните мерки затоа што и фискалниот простор е ограничен во моментов“, вели Петрески.
Според нејзините проекции, земјава годината ќе ја заврши со економски ратс меѓу 2,5 до 3 отсто, но заради постоечките ризици, можна е и надолна корекција.
.webp){kind=icon}
