Индустријата 'се држи', бројот на работници паѓа

Поголем пад во однос на мај, стагнација во однос на јуни лани, а на полугодишно ниво раст од 2,5 отсто. Вака изгледаат бројките за индустриското производство во земјава во првата половина од годината, според податоците кои денеска ги објави Државниот завод за статистика.

За разлика од минатиот месец кога беше забележан највисок раст годинава благодарение на енергетскиот сектор и зголеменото копање јаглен и лигнит за потребите на термоцентралите, сега бројките покажуваат надолна тенденција. Рударството во јуни паднало за 4,1 отсто (растот на годишно ниво изнесува над 9 отсто)

Кај преработувачката индустрија, сектори кои оствариле најголем пад се производство на компјутерски,електронски и оптички производи, текстил, но и храна  - еден од двата главни фактори за високата инфлација во земјава, после нгоривата.

И додека производството се држи, бројот на работници се намалува. За половина година паднал за 1,9 отсто споредено со лани. А, најголем е падот токму во секторите кои се двигател на производството.

Кај преработувачоте, и натаму најмногу паѓа бројот на работнци во текстилниот сектор кој е всушност трудоинтензивен и вработува најмногу луѓе.

Во моментов нема коментари за веста. Биди прв да коментира...

Остави коментар