.webp){kind=icon}
Цената на парното греење за домаќинствата во Скопје од 1 август се намалува за 3,16 отсто за корисниците на ЕСМ, за 1,71 отсто за корисниците на топланата Скопје Север и за 0,5 отсто за корисниците на ЕСМ Енергетика. За деловните корисници и училиштата поевтинува за 17,3 отсто кај ЕСМ, за 17,22 кај Скопје Север и за околу 40 отсто кај ЕСМ Енергетика.
„Оваа цена која што ја кажав за домаќиствата е без субвенции, во изминатиот период цените на природниот гас се стабилизираа и оттука не гледам дополнителна причина да има дополнителни субвенции. Имаме период на стабилизација, со одлуките и политиките кои што ги водеше регулаторната успеавме да ја држиме стабилна цената на парното и сега е период на намалување на цената“ вели претседателот на Регулаторната комисија, Марко Бислимоски.
MIA
Како што посочи претседателот на РКЕ, од новите пресметки на цената за испорака на топлинска енергија не биле задоволни трите компании на ЕСМ, како и ЕСМ Енергетика, а дел од нив најавиле дека одлуките на Регулаторна ќе ги обжалат на Управен суд.
Бислимоски апелираше ЕСМ што побрзо да го инсталира цевководот на мостот Беласица, бидејќи топлинската енергија која ја произведува Те-То е за 30 проценти пониска од топланите. Околу 63.000 домаќинства во Скопје се греат на парно.
