Лозарите ќе добијат дополнителна помош од државниот буџет во висина од 2 денари за килограм грозје предадено во регистрирани капацитети. Ова денеска го соопшти премиерот Димитар Ковачевски откако претходно тој и министерот за земјоделство, шумарство и водостопанство, Љупчо Николовски седнаа на маса со лозарите и винариите да разговараат околу традиционално проблематичните откупни цени на грозјето.
Влада на Македонија
„Оваа одлука значи дека на историски највисоките откупни цени што се постигнаа, се додаваат плус два денари за секој килограм откупено грозје. Оттука, цената на смедеревката ќе биде 15 денари, а на вранецот 17 денари“, се надоврза министерот Николовски.
Оваа интервенција ќе го олесни државниот буџет за 4 милиони евра. И додека надлежните се надеваат дека постигнатата цена ги задоволува потребите и апетитите на лозарите, тие и натаму сонуваат за повисоки цени.
Прочитај повеќе
Сите апсурди на македонското земјоделство
Македонија е втор најголем извозник на вино во регионот, лозарите секоја година протетсираат за цената на грозјето
25.08.2022
Протест на лозарите во Неготино
Бараат повисоки цени за грозјето и подобри услови за лозаропроизводство
20.08.2022
„Не е ова очекуваната цена за вранецот и смедеревката но, задоволни сме зашто се најде решение за помош на лозарите. Со тоа ќе ја ублажиме нашата мака“, рече лозарот Трајче Кулев.
Bloomberg Mercury
Од друга страна и винариите се жалат на намалена побарувачка за вината и зголемени залихи поради што ги очекува тежок продор до странските пазари.
„Оваа година е тешка и за лозарите и за винариите, потрошувачката на вино опаѓа, растат цените на репроматеријалите и се создава дисбаланс. Залихите се големи и тешка ќе биде борбата за пласман на европските и светскиот пазар“, изјави Ристе Љуботенски, претставник на винариите.
Денеска Александар Кимов, сопственик на винарија, за Блумберг Адриа ТВ зборуваше токму на тема како до подобар пласман на македонските вина надвор од земјава. Тој смета дека винариите треба да се насочат повеќе кон извоз на флаширано вино наместо наливно.
Влада на Македонија
Инаку, Македонија е втор најголем извозник на вино во регионот, по Грција, а во светот е на 29 место. Во 2021 година по овој основ земјава инкасирала 61,4 милиони долари, што е за 19,1 отсто повеќе споредено со претходната година.
.webp){kind=icon}
