Комисијата за заштита на конкуренцијата во Македонија (КЗК) го објави известувањето за концентрација за кое има резервирано мислење а се однесува на трансакцијата во која е вклучен и дел од „Џонсон Мети“, компанија која има своја фирма и во земјава. Имено американската компанија „Ханивел“ (Honeywell) неодамна објави дека се ќе го купи деловниот сегмент „Каталист Технолоџис“ (Catalyst Technologies) на „Џонсон Мети“ за 1,8 милијарди фунти во трансакција која ќе се реализира целосно во готово, што претставува приближно 11 пати поголема од проценетата EBITDA за 2025 година, вклучувајќи ги даночните олеснувања. Во известувањето од КЗК стои дека купопродажбата не вклучува никакви правни лица или средства во Македонија.
„Предложената трансакција се однесува на пазарот на катализатори, како и на пазарот на раствори за прочистување (адсорбенти). Врз основа на прелиминарното испитување Комисијата утврди дека предметната концентрација може да потпадне под одредбите на Законот за заштита на конкуренцијата. Сепак конечната одлука по ова прашање е резервирана, стои во известувањето од КЗК.
Инаку, бизнис моделот на „Каталист Технолоџис“ на „Џонсон Мети“ го надополнува постоечкиот бизнис на „Ханивел“ за продажба на технологии за катализатори. Кога информацијата стана јавна, „Ханивел“ соопштија дека со проширено портфолио, за прв пат ќе можат да им понудат на клиентите сеопфатно решение за производство на критични горива со пониски емисии, вклучувајќи одржлив метанол, одржливо авиациско гориво (SAF), син водород и син амонијак, кои ја подобруваат енергетската безбедност и ги намалуваат емисиите.
„Аквизицијата на бизнисот 'Каталист Технолоџис' на 'Џонсон Мети' ја проширува улогата на 'Ханивел' како светски снабдувач на технологија за критична енергија потребна за поттикнување на растот во иднина - дополнително зајакнувајќи го нашиот модел на комбинирање на процесни технологии и автоматизација на процесите“, изјави Вимал Капур, претседател и извршен директор на „Ханивел“.
Бизнис сегментот „Каталист Технолоџис“ на „Џонсон Мети“ е водечки снабдувач на производство на катализатори и лиценцирање на процесна технологија. Има приближно 1.900 вработени и е со седиште во Лондон, Обединето Кралство, со локации во САД, Европа и Индија.
Аквизицијата следи по најавата на „Ханивел“ за планираното одвојување на својот бизнис за воздухопловни технологии, заедно со планираното одвојување на својот бизнис за напредни материјали, што ќе резултира со три јавно котирани лидери во индустријата со различни стратегии и двигатели на раст.
Се очекува аквизицијата на деловниот сегмент „Каталист Технолоџис“ на Џонсон Мети од страна на „Ханивел“ (Honeywell) да се затвори до првиот квартал од 2026 година, во зависност од вообичаените услови за затворање, вклучително и добивање на одредени регулаторни одобренија.
Инаку сопственик на „Џонсон Мети ДООЕЛ Скопје“ е „Џонсон Мети инвестментс лимитед“. Минатата година компанијата има приходи од 2,38 милијарди евра и со години назад е компанија која оставрува најголеми приходи во земјава.
.webp){kind=icon}
Во моментов нема коментари за веста. Биди прв да коментира...