Кинеските власти им наложиле на приватните рафинерии да го одржат производството на гориво на ниво од 2025 година, дури и по цена на економски загуби, бидејќи едномесечната војна на Блискиот Исток го нарушува глобалниот пазар на сурова нафта.
На состаноци во текот на неделава, Националната комисија за развој и реформи им порачала на раководителите на приватните преработувачи дека обезбедувањето домашно снабдување со гориво е приоритет. Тоа значи производство на бензин и дизел најмалку на нивото од минатата година, по секоја цена, велат извори запознаени со разговорите.
Рафинериите што ќе го намалат производството ќе се соочат со намалување на квотите за увоз на нафта во наредните години, велат истите извори, кои побарале анонимност бидејќи разговорите не се јавни.
Комисијата не одговори веднаш на барањето за коментар.
Кинеските независни рафинерии, познати како „типотс“ (teapots), се под притисок од почетокот на војната, поради зависноста од поевтина санкционирана нафта од Иран, Русија и Венецуела. Овој поевтин суров материјал им помогна да опстанат со минимални маржи, но попустите речиси исчезнаа откако САД воведоа привремени олеснувања за ограничувањата кон Техеран и Москва.
Независните рафинерии го намалија искористувањето на капацитетите на под 63 отсто во неделата до 1 април, што е најниско ниво од август 2025 година. Нивните маржи оваа недела се во негативна зона, што е најслаб резултат од 2024 година, според податоците што ги следи „ЏЛЦ Интернешнл“ (JLC International Ptd Ltd.).
.webp){kind=icon}
