Каматите на хипотекарните кредити во САД продолжија да растат, достигнувајќи го највисокото ниво во последните две децении и ескалирајќи го на тој начин падот на пазарот на недвижнини.
Договорната стапка на 30-годишнити фиксни хипотеки порасна за дополнителни 13 базични бодови, на 6,94 отсто во претходната недела, што според податоците на Здружението на хипотекарни банки, претставува деветто по ред покачување на каматната стапка. Тоа ги намали барањата за купување или рефинансирање на постоечките хипотекарни кредити за 4,5 отсто.
„Mortgage News Daily“, кои почесто ги ажурираат каматните стапки, каматата за 30-годишните хипотекарни кредити ја сместија на ниво од 7,15 отсто. Податоците претставуваат уште една точка во континуираниот пад на пазарот на недвижнини, каде што ефектите од политиката на Федералните резерви (ФЕД) ќе биде најочигледна до сега. Податоците објавени во вторникот покажуваат дека расположението меѓу градежниците паѓа секој месец оваа година, а се предвидува пад и на продажбата на постоечките куќи.
Ефективната 30-годишна фиксна каматна стапка порасна на 7,21 отсто и е највисока од 2002 година. Стапката на 5-годишните хипотеки се искачи за 9 базични бодови, на 5,98 отсто. Постојаниот скок на фиксните хипотекарни стапки поттикнуваат се' повеќе купувачи на станови да побараат поевтини опции за финансирање, како што се заеми со флексибилни каматни стапки.
Петгодишните флексибилни хипотеки претставуваат 12,8 отсто од вкупниот број барања за кредит во текот на минатата седмица, што е најмногу од март 2008 година.
Индексот „MBA“, кој што ги покажува барањата за купување куќи, падна за 3,7 отсто, на 164,2 бодови, што е најслаб резултат од 2015 година, додека мерките за рефинансирање се намалени на скоро 7 проценти, најниско ниво во последните 22 години.
Анкетата на „MBA“, која што се спроведува на недлено ниво уште од 1990 година, ги користи одговорите на хипотекарните банкари, комерцијалните банки и штедилниците. Податоците покриваат повеќе од 75 отсто од сите барања за станбени хипотеки во САД.
.webp){kind=icon}
