.webp){kind=icon}
Се проценува дека падот на недвижностите во Кина ќе го чини банкарскиот сектор дури 212 милијарди долари во загуба на кредити, обврзници и други средства, смета „УБС груп АГ“ (UBS Group AG).
„Таквата загуба нема да биде убиствена за банкарскиот систем, бидејќи банките имаат силна заработка и големи резерви за лоши средства. Затоа, во овој момент не очекуваме никаква криза во банкарскиот систем“, смета Меј Јан, раководителка на секторот за истражување на финансискиот капитал на банката. Јан проценува дека кинеските банки се изложени на недвижности во износ од околу 12,4 илјади милијарди долари и смета дека стабилизацијата на секторот е од клучна важност за спречување натамошни загуби.
Кинеските власти во текот на викендот објавија сеопфатен пакет за помош на загрозените сектори. Регулаторите објавија план од 16 точки за помош на финансиските компании, а мерките се однесуваат на решавање на проблемот со ликвидноста кај компаниите.
„Новите насоки укажуваат на многу силна и сеопфатна поддршка на Владата во секторот на недвижности“, рече Јан.
Песимизмот во кинескиот банкарски систем достигна невидено ниво, дури се приближи до длабочина на која американските банкари тргуваа со текот на финансиската криза од 2008 година. Индексот на кинеските банкарски акции на „Блумберг интелиџенс“ порасна за 12 отсто до овој месец, намалувајќи ја годинешната загуба на 13,7 проценти.
