Лица со плата до 500 евра најбројни кредитокорисници во македонските банки

Растот на кредитирањето во Македонија продолжува да ја менува финансиската слика на домаќинствата, но зголемената побарувачка за кредити го отвора и прашањето колку граѓаните можат да го издржат товарот на долговите во услови на поскапи животни трошоци и неизвесни економски перспективи. Додека станбените кредити бележат забрзан раст, задолжувањето за потрошувачка и натаму доминира во структурата на долгот, а најголем дел од кредитокорисниците се концентрирани во групата со пониски месечни примања.