text size
Продажбата на домови што веќе биле во нечија сопственост во САД падна во декември на најбавното темпо во повеќе од една деценија, заокружувајќи со тоа една од најлошите години на пазарот на домување во услови на рекордно брз скок на хипотекарните каматни стапки.
Склучените договори минатиот месец се намалија за 1,5 отсто на годишно ниво, од 4,02 милиони, што претставува најбавна стапка од 2010 година, покажуваат податоците од Националната асоцијација на брокери.
Продажба на користени недвижности / Bloomberg Mercury
Просечната процена во анкетата на „Блумберг“, спроведена меѓу економистите, беше дека се очекува намалување на продажбата на 3,95 милиони. Бројките ја заокружуваат бурната година за секторот недвижности, во кој трансакциите опаднаа рекордни 11 месеци по ред. Во цела 2022 година се продадени нешто повеќе од 5 милиони постојни домови, што е пад од 17,8 проценти споредено со 2021 година, или најголем годишен пад од 2008 година.
Најагресивната кампања за затегнување на монетарната политика од страна на Федералните резерви (ФЕД) во една генерација доведе до зголемени стапки на хипотеките во 2022 година на највисоко ниво во последните две децении, одвраќајќи многу потенцијални купувачи.
Иако трошоците за задолжување го достигнаа својот врв во последниве недели, помагајќи да се зајакне расположението меѓу градежниците, сепак изгледите сè уште се несигурни. Одделни податоци објавени оваа недела покажаа дека изградбата на нови домови лани опадна за првпат од 2009 година, а во декември се намалија и апликациите за градење.
„Декември беше уште еден тежок месец за купувачите, кои продолжуваат да се соочуваат со ограничени резерви и високи хипотекарни стапки. Сепак, очекувајте наскоро продажбата повторно да се зголеми, бидејќи хипотекарните стапки значително се намалија откако го достигнаа својот врв кон крајот на минатата година“, рече Лоренс Јун, главен економист на Националната агенција на брокери.
Бројот на станови достапни за продажба во декември падна на 970.000, што е најмалку од март. Просечната продажна цена беше зголемена за 2,3 отсто во однос на претходната година, што е одраз на повисоките цени во сите региони. Според информацијата што ја сподели Јун, добивката била најмала од мај 2020 година.
.webp){kind=icon}
