.webp){kind=icon}
Притисоците врз канадските потрошувачки цени се намалија во јануари, оставајќи ѝ простор на Банката на Канада да ги задржи каматните стапки на сегашното ниво следниот месец, дури и по извештајот за раст на вработувањата.
Забавувањето на инфлацијата сугерира дека креаторите на политиката ги зголемиле стапките доволно за да го ограничат ценовниот раст, што е во согласност со нивната одлука да го паузираат агресивниот циклус на зголемување на каматите, барем во блиска иднина.
Споредба на инфлацијата на годишно ниво меѓу Канада и САД / Bloomberg Mercury
Индексот на потрошувачките цени се зголеми за 5,9 проценти во однос на минатата година, објави денеска Канадската статистика, а тоа е помал раст од зголемувањето од 6,1 отсто, колку што се очекуваше во истражувањето на „Блумберг“ спроведено меѓу економистите, а претставува и пад од 6,3 проценти во однос на декемвриската инфлација. На месечна основа, индексот се зголеми за 0,5 проценти во јануари, наспроти очекувањата од 0,7 отсто.
Обврзниците зајакнаа по објавувањето на овие податоци, туркајќи го референтниот двегодишен принос на дури 4,149 проценти. Канадскиот долар падна на 1,3529 канадски долари за еден американски долар.
CADUSD:CUR
CAD-USD X-RATE
0,7396 USD
-0,00370 -0,50%
почетна цена
0,7433
претходна цена на затворање
0,7433
промена од почетокот на годината
0,4744%
дневен опсег
0,74 - 0,74
опсег на 52 недели
0,72 - 0,81
„Податоците од Канада јасно покажуваат дезинфлациски тренд на почетокот на оваа година и тоа сигурно ќе ја утеши Банката на Канада“, изјави Доминик Лапоинте, директор за макростратегија во „Манулајф инвестмент“ (Manulife Investment Management) за телевизијата БНН Блумберг.
Податоците сугерираат дека зголемувањето на каматните стапки за 425 базични поени за 11 месеци почнува да го ублажува ценовниот раст, иако инфлацијата останува далеку над целта на Банката на Канада од два процента. Податоците исто така ги поддржуваат ставовите дека инфлацијата ќе продолжи да се намалува оваа година, дозволувајќи ѝ на централната банка да ги задржи стабилните стапки на 4,5 отсто при следната одлука, која треба да се донесе на 8 март.
Гувернерот Тиф Меклем минатиот месец веќе најави условна пауза во процесот на покачување на каматите, велејќи дека централната банка ќе се тргне малку настрана и ќе го процени влијанието на нејзиното брзо затегнување на економијата. Меклем рече дека очекува растот на производството да биде близу нула во првите три квартали од оваа година, што ќе ѝ овозможи на економијата да премине од вишок на побарувачка кон скромен вишок на понуда и да ги намали ценовните притисоци. Тој предвидува дека базичната стапка на потрошувачките цени ќе падне на три проценти до средината на годината и ќе се врати на целта од два отсто во 2024 година.
Извештајот за инфлацијата дојде по помалку од две недели откако податоците за работните места покажаа дека вработеноста порасна за 150.000, што е 10 пати повеќе од очекувањата, додека стапката на невработеност се задржа стабилно на пет отсто.
