По месеци минати на работ на банкрот, Русија сега е на само неколку часа од драматичниот момент во финансиската борба што САД и другите ја водaт против Кремљ поради инвазијата на Украина.
Грејс-периодот за околу 100 милиони долари руски долг, чија отплата е блокирана поради воведувањето на широките санкции, истекува во недела навечер. Нема да има официјални изјави, а Русија веќе ја оспорува етикетата „банкрот“. Меѓутоа, доколку инвеститорите не ги добијат парите до наведениот рок, во понеделник наутро Русија ќе се најде во ситуација на банкрот, според документите за обврзниците.
Bloomberg
Засега ова е претежно симболична низа на настани, имајќи предвид дека Русија веќе е економски, финансиски и политички изолирана од поголемиот дел од светот. Сепак, тоа покажува дека САД, Европа и другите сојузници направија сè за да ја спречат Русија да го води она што инаку би било нормално финансиско делување.
За Русија ова ќе биде прво странско неплаќање по болшевичкото откажување од долговите од царската ера во 1918 година. Земјата беше многу блиску до тоа и на почетокот на годинава, но успеа да ја избегне таа ситуација со промена на начинот на плаќање. Таа алтернатива беше блокирана во мај, само неколку дена пред да доспеат 100 милиони долари. Тогаш САД ја затворија дупката во санкциите што им овозможуваше на американските инвеститори да добиваат исплати на државни обврзници.
Г7 самит: Ограничена цена на руската нафта и забрана за увоз на злато
Сега се поставува прашањето што ќе се случи понатаму, бидејќи пазарите се соочуваат со уникантно сценарио во кое заемопримачот има желба и ресурси да плати, но не може.
Главните агенции за кредитен рејтинг вообичаено би биле тие што ќе прогласат неисполнување на обврските, но санкциите ги спречуваат да го сторат тоа. Сопствениците на обврзници би можеле да се здружат и да дадат своја изјава, но можби попрво би чекале да го видат текот на војната во Украина и санкциите во ситуација кога се обидуваат да си ги вратат парите, или барем дел од нив.
„Објавата за неисполнување на обврските е симболичен настан. Руската влада веќе ја изгуби можноста да го плати долгот во долари. Русија веќе не може да позајмува од повеќето странски земји“, рече Такахиде Киучи, економист во Истражувачкиот институт Номура во Токио.
Додека санкциите против руските власти, банките и поединците сè повеќе ги прекинуваат патиштата за плаќање, Русија тврди дека ги подмирувала своите обврски кон доверителите со префрлање на плаќањата во рубли, иако инвеститорите немаат средства на сметка.
На почетокот на оваа недела, земјата изврши други трансфери во рубли, и покрај фактот што предметните обврзници не ја дозволуваат оваа опција за плаќање.
Министерот за финансии, Антон Силуанов, наведе „виша сила“ како оправдување за промена на валутата, нарекувајќи ја ситуацијата фарса. Правниот аргумент за виша сила историски не вклучува санкции, тврдат адвокати кои разговараа со новинари на Bloomberg претходно месецов.
„Постои добар основ да се заклучи дека со вештачко спречување на Руската Федерација да го сервисира својот надворешен долг, намерата беше да се наметне етикета за банкрот“, порача Силуанов во четвртокот.
„Секој може да каже што сака и може да се обиде да примени таква етикета, но секој што ја разбира ситуацијата знае дека тоа во никој случај не е вистинската состојба на работите“, додаде тој.
.webp){kind=icon}