Петров: ФЕД ќе ги зголеми каматите, за септември сите опции се отворени

Федералните резерви на САД (ФЕД) ќе ги зголемат каматните стапки на денешната седница за 25 базични поени односно на опсег од 5,25 до 5,5 проценти, очекува аналитичкиот тим на „Блумберг Адрија“.

„Сегашната дебата е всушност дали ова е конечното зголемување. Иако пазарите моментално така гледаат на тоа, целокупната слика не е многу јасна, има сигнали и за и против понатамошни рестриктивни чекори“, вели Марина Петров, сениор аналитичарка за пазари во „Блумберг Адрија“. „Секако дека има доволно време подобро да се разгледаат трендовите до следната, септемвриска одлука, така што не очекуваме претставниците на ФЕД да дадат премногу јасни сигнали за понатамошните чекори“, додава Петров.

Марина Петров/Блумберг Адрија

Аналитичарите сметаат дека наративот на ФЕД ќе биде многу внимателен, неутрален, со рестриктивни индикации, за да останат стабилни инфлаторните очекувања, а можностите за следната седница остануваат отворени.

Пазарот на трудот е отпорен и ѝ пркоси на монетарната политика, а еден од сигналите во прилог на натамошната рестриктивност е пазарот на недвижности, кој повторно зема замав, што со одредено временско поместување ќе се одрази и на базичната инфлација (која секако е на ниво од 4,8 отсто во јуни, што е доста високо за целите на ФЕД).

Bloomberg Mercury

„Она што е во прилог на тоа што рестриктивниот циклус може да заврши со овој јулски пораст се реалното забавување на продажбата на мало, дополнителното забавување на цените на производителите и послабото индустриско производство, што укажува на забавување на економијата до крајот на оваа година, а тоа ќе помогне за намалување на инфлацијата.