„Фич“ им ја одзеде највисоката оценка за кредитен рејтинг на САД

САД ја изгуби највисоката кредитна оценка од агенцијата за кредитен рејтинг „Фич“(Fitch Ratings), поради растечкиот буџетски дефицит на земјата и „ерозијата со управувањето“ што доведе до повторени судири околу лимитите на долгот во последните две децении. Кредитната агенција го намали рејтингот на САД за еден степен, од ААА на АА+, слично на она што го направи пред повеќе од една деценија американската компанија за финансиски услуги Стандард и Пурс -„С&П Рејтингс“(S&P Global Ratings).Даночните намалувања и новите иницијативи за трошење, заедно со повеќекратните економски шокови, го зголемија буџетскиот дефицит, додека долгорочните предизвици поврзани со зголемените трошоци за социјална помош остануваат главно нерешени.

„Намалувањето на рејтингот на Соединетите Американски држави го одразува очекуваното влошување на фискалната ситуација во следните три години, високата и растечка задолженост на јавниот сектор и ерозијата на владеењето“, се вели во соопштението на „Фич“.

Министерка за финансии Џенет Јелен/Bloomberg

 

Министерката за финансии Џенет Јелен брзо реагираше на намалувањето, нарекувајќи го „произволно“ и „застарено“. Цените на државните обврзници благо пораснаа во азиското тргување по објавувањето на „Фич“, поради умерената побарувачка за безбедни средства.

„Одлуката на „Фич“,  не го менува она што американците, инвеститорите и луѓето ширум светот веќе го знаат: дека државните хартии од вредност остануваат водечки безбедни и ликвидни средства во светот и дека американската економија е фундаментално силна“, рече Јелен во соопштението.

„Фич“ веќе предупреди во мај дека размислува за намалување на кредитниот рејтинг на земјата, кога демократите и републиканците беа во несогласување околу зголемувањето на лимитот за задолжување на земјата, а американското Министерство за финансии можеше неколку недели да остане без готовина.

Иако таа криза на крајот беше избегната, „Фич“, сепак изјави дека повторените судири околу ограничувањата на долгот и решенијата во последен момент ја нарушиле довербата во фискалното управување на земјата.

Во изјавата од вторникот, исто така, се припишува намалувањето на рејтингот на земјата на брзо растечкиот должнички товар, кој се предвидува да достигне 118 отсто од бруто домашниот производ до 2025 година, повеќе од два и пол пати од просечната „ААА“ оцена од 39,3 отсто. Кредитната агенција предвидува дека  долгот во однос на бруто домашниот производ ќе продолжи да расте на долг рок, зголемувајќи ја ранливоста на Америка за идни економски шокови, се вели во извештајот. Малкумина економски коментатори беа изненадени од веста. Мохамед Ел-Ериан, главен економски советник на „Алианз СЕ“(Allianz SE) и колумнист на Блумберг, на социјалните мрежи рече дека е збунет од „многу аспекти“ на објавата, вклучително и нејзиното време.

Depositphotos

„САД се соочува со сериозни долгорочни фискални предизвици“, рече поранешниот министер за финансии Лери Самерс во соопштението. „Денешната одлука на кредитната агенција, иако економијата изгледа посилна од очекуваното, да го намали рејтингот на САД е бизарна и несмасна“

Реакција на берзите

Приносите на двегодишните американски трезори паднаа за еден базичен поен на 4,89 отсто во азиската трговска размена, додека приносите на  десетгодишните американски трезори се зголемија за еден базичен поен на околу 4,03 отсто. Доларот ослабе во однос на еврото и јенот.

Bloomberg

 

Намалувањето на кредитниот рејтинг на САД од страна на „Стандард и Пурс“ во 2011 година предизвика распродажба на ризичните средства како што се акциите ширум светот, но парадоксално ја зголеми побарувачката за безбедно засолниште на американските државни обврзници.

Се сомневам дека пазарот ќе биде поделен во мислењата - од една страна, тоа е негативна ознака за угледот и позицијата на САД, но, исто така, ако предизвика нервоза на пазарот и одбивност кон ризик, лесно може да доведе до купување на безбедно засолништа како американските трезори и доларот“, рече Дејвид Крој, стратег во банкарската групација Австралија и Нов Зеланд во Велингтон.

Приносот на тресетгодишниот долг на САД во вторникот се искачи на највисоко ниво во последните речиси девет месеци, бидејќи американското Министерство за финансии се подготвуваше да го зголеми издавањето на долгорочни хартии од вредност за финансирање на растечкиот буџетски дефицит.

Во понеделникот, Министерството за финансии ја зголеми својата проценка за нето задолжување за периодот од јули до септември на еден билион долари, долари, повеќе од очекувањата на некои аналитичари и многу над прогнозата од 733 милијарди долари на почетокот на мај.

Реакција од Вашингтон

Одлуката на „Фич“ сега им доделува на САД оценка АА+, може да создаде проблем за фондовите или основните индекси кои имаат мандат само за рејтингот на ААА, отворајќи ја можноста за присилна продажба за да се усогласат.

Демократите во Конгресот го искористија намалувањето на рејтингот за да ги обвинат републиканците што го отежнаа зголемувањето на лимитот на американскиот долг претходно оваа година.

„Ова е резултат на должничката криза создадена од републиканците. Тие постојано ја ставија целосната доверба и кредит на нашата нација на линија и сега се одговорни за второто намалување на нашиот кредитен рејтинг“, изјавија демократите.

 

 

Во моментов нема коментари за веста. Биди прв да коментира...

Остави коментар