.webp){kind=icon}
Кинеската централна банка откри широк пакет мерки за монетарни стимулации за заживување на втората по големина економија во светот, што ја нагласува зголемената тревога во владата на Шји Џјинпинг поради забавувањето на растот и намалената доверба на инвеститорите.
Гувернерот на Народната банка на Кина, Пан Гонгшенг, ја намали краткорочната основна каматна стапка и ги објави плановите за намалување на износот на пари што банките мора да го чуваат во резерва на најниско ниво од 2018 година, на редок брифинг заедно со двајца други врвни финансиски регулатори во земјата. Ова беше првпат намалувања на две мерки да бидат откриени во ист ден од 2015 година.
Тие потези беа проследени со мноштво други најави што поттикнаа добивки на кинеските акции. Шефот на централната банка исто така откри пакет за поддршка на проблематичниот сектор за недвижности, вклучувајќи и намалување на трошоците за позајмување дури за 5,3 трилиони американски долари во хипотеки и олеснување на правилата за купување втор дом.
За загрозениот пазар на акции, Пан рече дека централната банка ќе обезбеди најмалку 800 милијарди јуани (113 милијарди долари) поддршка за ликвидност, додавајќи дека официјалните лица проучуваат формирање фонд за стабилизација на акциите.
Иако неколку од мерките беа очекувани од инвеститорите, помпезното објавување покажа дека властите сериозно ги сфаќаат предупредувањата дека Кина ризикува да ја пропушти целта за раст од околу 5 отсто годинава. Одлуките веројатно ја враќаат таа цел на дофат, но остануваат сомневањата дали тоа е доволно за да се прекинат долгорочниот дефлациски притисок во Кина и вкоренетата криза со недвижностите.
Властите допрва треба да објават посилни мерки за зајакнување на побарувачката кај потрошувачите, што некои аналитичари го сметаат за клучна ставка што недостига за економијата.
Повеќе детали прочитајте на следниот линк.
