Основачот на „Бриџвотер“ (Bridgewater Associates), милијардерот Реј Далио, вели дека инвеститорите се оставени со „елемент на траума, шок или страв“ поради глобалните турбуленции на пазарите неделава.
„Тоа драматично ги погоди психологијата и ставот за доверливоста на САД“, рече тој во интервју за телевизијата „Блумберг“. „Ова можеше да се испланира подобро“.
Според него, вреди да се следи слабеењето на доларот и како 30-годишната обврзница се тргува во споредба со 10-годишната обврзница за какви било докази дека инвеститорите се оддалечуваат од тоа што долго време беше најбезбедно средство во светот.
Прочитај повеќе
Скот Бесент - главен преговарач на Трамп за царините
Американскиот министер за финансии стана главен преговарач на Трамп со странските трговски партнери за кои Вашингтон воведе царини.
11.04.2025
Американските царини и покрај паузата се на историски највисоко ниво
Повисоките даноци за увоз ги зголемуваат трошоците за домашните потрошувачи и бизниси и ги намалуваат реалните расположливи приходи и профитните маржи.
10.04.2025
Трамп се повлече, 90 дена пауза за царините
Кина не е изземена. Трамп најави царини за оваа земја од 125 отсто.
09.04.2025
„Она што навистина ме загрижува се основната понуда и побарувачка на долг“, рече Далио.
На прашањето дали некои инвеститори би пропаднале ако претседателот Доналд Трамп не се повлечеше од тарифите, Далио рече „некои сигурно би пропаднале, не само поради царините туку и поради импликациите на пазарот на капитал“. Тој додаде, „има спирала што се зајакнува кога пазарите на капитал се затегнуваат“.
Bloomberg
Иако Трамп во средата одложи многу од своите планови за трговски царини за 90 дена, предизвикувајќи масивен раст на акциите и обврзниците, еуфоријата брзо избледе бидејќи инвеститорите и натаму се загрижени за можноста за рецесија и повеќе корпоративни неисполнувања. Претходно неделава Далио рече дека инвеститорите се премногу фокусирани на царините и ја пропуштаат поголемата слика на распадот на столбовите на глобалната економија.
„Веројатно ќе паднеме во рецесија“, рече тој во интервјуто за „Блумберг“. „Повеќе сум загрижен за поголемата динамика на овие конфликти“, кои се „финансиски, политички и геополитички бидејќи тие се хранат сами од себе“.
„Ова не е нормална рецесија“, додаде тој. „Ние го менуваме монетарниот поредок“.
Иако е задоволен од одлуката на Трамп за пресврт, Далио предупреди дека волатилноста ќе има трајни ефекти. „Чувството дека пазарите на капитал може да се заклучат сами по себе создава промена во начинот на кој сите, најважно компаниите, ги менаџираат своите бизниси“, рече тој.
.webp){kind=icon}
Во моментов нема коментари за веста. Биди прв да коментира...