Американскиот претседател Доналд Трамп одлучи да стави пауза од 90 дена на воведувањето царини на некои од земјите за кои претходно рече дека се на листата. Кина не е изземена. Напротив. Откако синоќа изјави дека царинските стапки за Кина ќе изнесуваат 104 отсто, попладнево најави царини од 125 отсто.
Списокот на земји кои ќе бидат вклучени во паузата се повеќето американски трговски партнери во Азија, освен Кина. Така, оваа 90-дневна пауза, во комбинација со преговорите за кои администрацијата рече дека ќе започнат многу наскоро со Јапонија, Јужна Кореја и Виетнам, всушност додава одреден кредибилитет на претходната идеја на американскиот министер за финансии, Скот Бесент за договори со сојузниците пред заедничкиот притисок врз Кина.
Што се случи откако Трамп се повлече?
Индексот Nasdaq 100 порасна за дури 10 отсто, а S&P 500 имаше дневен раст најголем по 6 април 2020 година.
На изјавата за пауза први реагираа акциите од енергетските компании и цените на суровите. Бакарот на Њујоршката берза порасна за седум отсто, кафето „арабика“ за 3,2 отсто, природниот гас за 7.7 отсто, нафтата поскапи за 4 отсто.
Понатаму, акциите на „Епл“ пораснаа за 13 отсто, најмногу од март 2020 година. Акциите на „Енвидија“ имаат раст од 12 отсто, најмногу по крајот на јули лани.
По одлуката на Трамп за пауза на најголем дел од царините, акциите на енергетските компании скокнаа. Компаниите во енергетскиот сектор, кои вообичаено се сметаат за рај за време на пазарен хаос, забележаа пад на нивните акции поради стравувањата дека тарифите ќе предизвикаат рецесија што ќе ја намали побарувачката за електрична енергија.
И индексите за кредитниот ризик на САД паднаа попладнево на најниско ниво од април 2020 година.
Моќта на преговорите
Американскиот министер за финансии, Скот Бесент изјави дека паузата има за цел да ја зголеми преговарачката моќ на Трамп со кого досега контактирале над 75 земји. Со паузирањето на царините, според него, преговорите се издигнуваат на „повисоко ниво“.
Бесент одби да признае дека паузата е резултат на распродажбата на американските државни обврзници. Тој повтори дека Трамп лично ќе преговара за олеснување на царините за увоз во САД.
.webp){kind=icon}
Во моментов нема коментари за веста. Биди прв да коментира...