text size
Септемвриската просечна плата во земјава се доближи до 50.000 денари. Според најновите податоци на Државниот завод за статистика, платата за една година номинално пораснала за 8,1 отсто, а реалниот раст изнесува 5,2 отсто. Сепак, пресметките на Сојузот на синдикатите на Македонија покажуваат дека растот на платата не е доволен за да се покријат и растечките трошоци. Само за храна просечно македонско домаќинство троши околу 26.000 денари месечно или колку што изнесува минималната плата во земјава.
Поскапуваат и становите во континуитет, а сега се појавува нов ризик, кој може да ја намали понудата на пазарот и дополнително да изврши притисок врз цените. Поради неусогласени правилници и подзаконски акти, од средината на следната година земјава може да остане без енергетски контролори, кои се важни за добивање дозвола за градба и употребна дозвола.
Невообичаените температури за доцниот ноември на многумина им предизвикуваат здравствени проблеми – варира притисокот, боли главата. Анализиравме какви последици носат климатските промени по нашето здравје и како тие влијаат на продуктивноста.
Народната банка на Македонија објави дека првата аукција за продажба на контролниот пакет акции на „Алта банка“ од Битола ќе се одржи на 30 ноември, а само неколку дена подоцна во текот на истата недела, Министерството за финансии ќе одржи нова аукција за граѓански обврзници.
Прочитајте повеќе:
Пресметавме колку ќе заработевте за пет години: Злато или индекси?
Протекоа милиони документи: Што криела „Дојче банк“ за Епстајн?
Глобалните берзи вчера потонаа, акциите ја забележаа најдолгата серија на падови во повеќе од три години. Тоа ги насочи инвеститорите кон сигурни засолништа за капиталот, како што се американските државни обврзници.
Стравот ја стивна еуфоријата за ВИ, а ние анализиравме колку е глобалниот пазар зависен од ВИ, што би се случило ако балонот пукне и можат ли берзите во регионот Адрија да ги заштитат инвеститорите од падот на американскиот пазар.
Во вчерашниот пад на берзите настрадаа и акциите на „Антропик“, само еден ден по блескавото ИПО. Очекувањата пред излегувањето на „Антропик“ на берза беа дека ова ќе биде најважната ВИ-акција во светот. По дебито, богатството на основачите на „Антропик“ достигна 140 милијарди долари по рекордното ИПО, а само европските индивидуални инвеститори купија акции на „Антропик“ за 1,1 милијарда долари.
„Енвидија“ останува во фокусот. Компанијата, и покрај сите потреси, очекува поголеми приходи во последниот квартал од оваа година, а ние проверивме што очекуваат аналитичарите од Волстрит за акциите на „Енвидија“.
Џенсен Хуанг покажа дека нема недопирливи и поднесе оставка, но неделава понуди да се врати во „Енвидија“ и Трамп е за тоа Хуанг да се врати на чело на компанијата, додека неговиот министер за финансии Бесент бара драстични промени и нов шеф на „Енвидија“ однадвор.
Поради скандалот САД најавија дека ќе го ограничат далечинскиот пристап на Кина до ВИ-чиповите на “Енвидија“, а по тоа компанијата ја засили контролата за извоз на чипови. Новите ограничувања отвораат ризик за милијарди долари кредити, а Кина се закани со одмазда.
Прочитајте повеќе:
ГТА со години ја исмеваше Америка, а потоа стварноста стана полуда од играта
ГТА 6 е вистинско ремек-дело, раскажува новинар што ја играл цели три недели
И покрај заканите за ограничувања и одмазда, старите пријатели Шји и Трамп остварија нова средба. Таа се нарекува историска затоа што на неа присуствуваше уште еден стар пријател, Владимир Путин. Триумвиратот повика на мир и стратешка стабилност и договори повеќе нафта на светскиот пазар и реформи во ОН.
Официјално, не разговарале ниту за Иран ниту за Украина, но сепак Трамп ги уверува европските лидери дека Путин е подготвен за мир и дека не би склучил договор без Украина. Генерал Тод Д. Волтерс во интервју за „Блумберг Адрија“, пак, откри зошто Русија не успеа да го заземе Киев.