Илон Маск остро ја критикуваше најновата верзија на даночниот закон на претседателот на САД, Доналд Трамп, вреден повеќе трилиони долари, кој во саботата беше усвоен од американскиот Сенат. Тој предупреди дека укинувањето на субвенциите за електрични возила и други форми на чиста енергија би било „неверојатно разорно“ за земјата.
Маск, извршен директор на „Тесла“ (Tesla Inc.) и „Спејс екс“ (SpaceX), се огласи на својата социјална мрежа X по повод законот што Сенатот го усвои по бурно гласање доцна во саботата. Тој неодамна се дистанцираше од Трамп, откако неколку месеци го водеше т.н. Оддел за ефикасност на владата.
Според Маск, законот би уништил милиони работни места во САД и би „давал субвенции на индустрии од минатото, додека сериозно би ѝ наштетил на индустријата на иднината“.
Оваа критика од страна на технолошкиот милијардер може повторно да го разгори неговиот јавен конфликт со Трамп, кој започна откако најбогатиот човек на светот ја напушти функцијата задолжена за намалување на трошоците во администрацијата.
Според предложениот закон, популарниот даночен кредит од 7.500 долари за купување електрични возила ќе биде укинат порано од првично планираното. Додека претходната верзија предвидуваше укинување на оваа поволност до крајот на годината, новата верзија предвидува таа да престане да важи веќе на 30 септември. Даночните олеснувања за купување половни и комерцијални електрични возила исто така би биле укинати во истиот рок.
.webp){kind=icon}
Во моментов нема коментари за веста. Биди прв да коментира...