Измина една од најпредизвикувачките години во поновата историја, која следуваше по две пандемиски, во кои разбравме дека ние имаме многу лекции за учење. Лекции за нас, но и за идните генерации. Во оваа смисла сите треба да разберат колку е важна енергијата што ја создаваме, зошто е важно да имаме сопствено производство на храна, зошто треба да сме еколошки многу повеќе освестени, зошто треба да штедиме и да се однесуваме одговорно. Македонија е посебна приказна, но таа, секако, е дел од овој регион и од глобалниот свет, во која некои процеси неминовно влијаат на сите. Изминатава 2022 година беше и година во која почна да функционира „Блумберг Адрија“, мултимедиумска платформа што,освен во Македонија, функционира и во Србија, Босна и Херцеговина, Хрватска и во Словенија.
Повеќе од 130 локални новинари, коментатори, аналитичари и финансиски професионалци создаваат оригинална содржина на сите пет регионални јазици. Преку својата соработка со „Блумберг медија“, „Блумберг Адрија“ го искористи известувањето на 2.700 новинари и аналитичари на „Блумберг“ во 120 земји. Ги комбинира преведените содржини на „Блумберг њуз“ со оригиналните извештаи од целиот регион за да создаде врвна дестинација за вести за бизнис-лидерите во Југоисточна Европа. Проектот почна на 1 јули и оттогаш до денеска, кога ја завршуваме 2022 година, создаде содржини што всушност значат многу повеќе.
Периодот е краток, но македонската редакција издвои топ 10 статии што во овој период беа најчитани.
1. Прва најчитана е статијата за предвидувањата во однос на движењето на цените на недвижностите следната година. Познавачи и градежници коментираа дека во Македонија не треба да се очекува брз и значаен пад на цената на становите.
Анализираме колку ќе чинат становите во Македонија следната година
2. Пишувавме и за кризата, најмногу за економијата, но и за успешни приказни. Една од нив е Горан Пандев - се пензионира, но остава силна трага во македонскиот спорт.
Пандев: Со „Брера“ ќе инвестираме милиони во повеќе клубови низ светот
3.Третиот најчитан текст повторно е поврзан со недвижности, ама не директно. Пресметавме колку ќе поскапи станбениот кредит од 50.000 евра во услови на раст на каматите.
Пресметавме колку ќе поскапи станбениот кредит од 50.000 евра
4. Пишувавме за енергија, за зелена енергија. Како климатските промени ја менуваат енергетската слика? Имавме топла есен, дали најтешкото допрва доаѓа?
Пролет во ноември: Колку долга ќе биде најтешката зима досега?
5. Една од клучните предности на „Блумберг Адрија“ е аналитичкиот тим, кој досега креира десетици регионални анализи, дел од премиум-содржината на нашите изданија. Една од нив е анализата за трговијата на мало.
Македонија со најголем пад на трговијата на мало во регионот
6. За оваа статија сме особено горди. Македонката Мартина Димоска е една од нашите најуспешни во светот - таа е првата жена од Балканот што беше на аналогна мисија на Марс, спонзорирана од НАСА.
Ни одговори од „Марс“: Македонка е прв аналоген астронаут од Балканот
7. Тимот на „Блумберг Адрија“ за анализи прв успеа да ги предвиди движењата на клучните економски параметри. Подоцна слични анализи даваа и клучни национални и меѓународни институции.
Адрија-анализа: Македонија единствена со розови прогнози за извозот
8. Телевизијата Блумберг Адрија сними голем број интервјуа со клучните луѓе во македонскиот бизнис.
Мукаетов: Ова е година на предизвици, но „Алкалоид“ ќе расте.
9. Кризата ги погоди сите, не остана сектор што не трпи последици. Меѓу првите пресметавме колкав е цехот за транспортерите.
Загубите кај транспортерите стигнаа до 70 отсто
10. Тој раководи со една од најголемите градежни компании и е голем познавач на состојбата со недвижностите. Фатмир Етеми, сопственикот на ЗСФ ком, даде своја прогноза за цените.
Етеми: Цените на недвижностите во Македонија нема да паднат.
.webp){kind=icon}
