Њујорк е најпопуларното место во светот во кое супербогатите сакаат да поседуваат имот, покажуваат податоците од новиот извештај на „Aлтрат“.
Вкупно 21.714 ултра богати поединци, што значи оние со повеќе од 30 милиони долари, поседуваат или примарна или секундарна резиденција во Њујорк, покажа истражувањето.
Следни по популарност се Лондон и Хонг Конг, каде 15.907 и 15.175 од најбогатите луѓе во светот поседуваат домови.
Список на омилени градови за луксузен стан или куќа на најбогатите (Блумберг)
Bloomberg
Лос Анџелес и Мајами ја заокружуваат првата петорка, додека склоноста на богатите да купат втор дом во Пекинг го става кинескиот главен град едно место пред Сингапур.
Оние кои живеат во Монако најверојатно имаат многу богати соседи. Еден од секои 39 ултра богати поединци е или има главно живеалиште во градот-држава или има втор дом таму.
Во Соединетите Американски Држави, најголема концентрација на супербогати жители има во Аспен, еден на секои 67 граѓани, што му дава на планинското одморалиште во Колорадо речиси 15 пати поголема густина од Њујорк.
Американските градови доминираат на листата на најпопуларни места за поседување дом, заземајќи вкупно 14 од топ 20 места. Според извештајот, ова ја одразува големината на пазарот на богатство во земјата и нејзината географска и деловна разновидност.
„Овие квалитети нудат значителен простор за богатите поединци кои бараат секундарен дом за да останат во земјата, наместо да бараат во странство, и го одразуваат американскиот тренд на миграција во помалите градови во последниве години“, се вели во извештајот.
.webp){kind=icon}
Во моментов нема коментари за веста. Биди прв да коментира...