„Полимаркет“ презеде чекори за спречување на одредени форми на инсајдерско тргување откако платформата за предвидувачки пазари се најде под лупа поради сомнежи за манипулации.
Берзата во понеделникот ги ажурираше правилата за да појасни дека одредени видови тргување се забранети: корисниците не смеат да постапуваат врз основа на украдени доверливи информации, да се обложуваат врз основа на незаконски дојави или да се обложуваат ако се во позиција да влијаат врз исходот на некој настан.
Промените се однесуваат и на офшор платформата на „Полимаркет“, каде што се одвива најголемиот дел од тргувањето, како и на нејзината нова американска регулирана берза. Двете платформи во понеделникот објавија страници за интегритет на пазарот, преку кои корисниците можат да се информираат како функционираат правилата и како да пријават сомнителна активност.
Прочитај повеќе
На што се обложуваат инвеститорите додека трае војната во Иран
Иако војната на Блискиот Исток предизвикува силни потреси на финансиските пазари, инвеститорите веќе се обидуваат да го проценат нејзиниот вистински обем.
17.03.2026
Сомнителни обложувања пред нападот на Иран, „Полимаркет“ пријави 529 милиони долари промет
Платформата „Полимаркет“ стана центар на контроверзии откако облози точниот датум за нападот врз Иран донесоа добивки што тешко се објаснуваат со среќа.
01.03.2026
Обложување на бизарни настани со приноси поголеми од македонските државни обврзници
Ако се обложите дека луѓето нема да слетаат на Месечината следната година, веројатно ќе заработите повеќе пари отколку ако инвестирате во државни обврзници.
14.01.2026
Облози со мемкоини за тоа кој ќе биде следниот папа
Веќе се појави краток список на потенцијални кандидати за папството, истакнувајќи ги кардиналите што се фаворити за замена на Франциск.
25.04.2025
Французин се обложи со 45 милиони долари во победа на Трамп
Трговец што потрошил повеќе од 45 милиони долари на облози на „Полимаркет“ дека Доналд Трамп ќе победи на претстојните избори е идентификуван како француски државјанин.
25.10.2024
„Пазарите функционираат најдобро кога правилата се јасни“, изјави во соопштение Нил Кумар, главен правен советник во „Полимаркет“. „Овие измени ги прават нашите очекувања целосно јасни за сите учесници на двете платформи и ја нагласуваат инфраструктурата за усогласеност што веќе ја изградивме.“
„Полимаркет“ и неговиот главен ривал „Калши“ (Kalshi) бележат силен раст на обемот на тргување од минатата година, во голема мера поттикнат од договори поврзани со спорт. Сепак, се отворија прашања како да се следи и спречи инсајдерско тргување на пазари што се однесуваат на избори, геополитика и спорт.
Претходно овој месец „Полимаркет“ потпиша договор со компании, меѓу кои и „Палантир технолоџис“ (Palantir Technologies Inc.), за да помогнат во надзорот на договорите поврзани со спорт.
„Полимаркет“ подолго време се соочува со обвинувања за инсајдерски активности, особено на договори поврзани со геополитика и војни. Шест сметки оствариле околу еден милион долари профит обложувајќи се дека САД ќе го нападнат Иран до 28 февруари. Израелски воен резервист и еден цивил беа обвинети дека користеле тајни оперативни информации за да поставуваат облози на „Полимаркет“ поврзани со безбедносни операции минатата година, при што заработиле околу 150.000 долари.
.webp){kind=icon}
