text size
Неделата што е пред нас ќе биде многу важна за светските берзи. Пред сè поради очекуваната одлука на Федералните резерви (ФЕД) на САД за следното зголемување на основната каматна стапка, која в среда ќе ја соопшти претседателот Џером Пауел. Во моментот, аналитичарите очекуваат ФЕД да ги зголеми каматните стапки за 75 базични поени.
Оттука, берзите во Азија повторно почнаа да губат во понеделникот.
Септември е традиционално најлошиот месец за берзанските индекси, кои регистрираат пад на вредноста на почетокот на есента, а годинава овие падови се влошени од неизвесноста поради зголемувањата на каматните стапки најавени од централните банки ширум светот, поради високите цени на енергијата и поради војната во Украина.
Прочитај повеќе
Биткоинот на најниско ниво од 2020 додека се чека одлуката на ФЕД
Инвеститорите се подготвуваат за нестабилност од огромното зголемување на каматните стапки што се очекува неделава од страна на ФЕД за борба против ценовните притисоци.
19.09.2022
Само во последната недела, индексот S&P 500 загуби пет отсто од својата вредност и имаше најлоши резултати од 17 јуни, додека приносот на двегодишната американска обврзница порасна на 3,87 отсто. Заедно со ФЕД, одлуки за зголемување на каматните стапки ќе се носат и во Англија и Јапонија, како и во некои други европски земји.
Во меѓувреме, во Кина заврши двонеделното заклучување на градот Ченгду поради коронавирусот. Крајот на заклучувањето значи дека побарувачката за енергетски производи ќе се зголеми, поради што цената на барел сурова нафта WTI се искачи на 86 долари.
Дури и во крипто-сферата, инвеститорите ја чекаат одлуката на Банката на федерални резерви, па биткоинот падна под 19.000 долари за токен, а етерот сè уште се намалува по инаку успешното спојување на мрежата „Етериум“ (Ethereum).
.webp){kind=icon}
