Берзански преглед: Акциите на азиските пазари растат

Азиските акции пораснаа на крајот од уште една нестабилна недела, откако еден извештај донесе одреден оптимизам дека може да се дозволи повеќе сообраќај низ Ормускиот Теснец. Вниманието е насочено и кон објавата на клучните американски податоци за вработување во петок.

Регионалните акции го следеа закрепнувањето на американските берзи по веста дека Иран подготвува протокол со Оман за надзор на сообраќајот низ клучниот воден пат, кој практично е затворен од почетокот на војната. Тргувањето беше релативно слабо во Азија, со многу пазари затворени поради празниците. Повеќето големи европски пазари исто така ќе бидат затворени.

„Подобрувањето на американската апетит за ризик се прелеа во азиските акции“, рече Хитоши Асаока, главен стратег во „Асет менаџмент“ (Asset Management One Co). во Токио. „Иако цените на нафтата можеби нема целосно да се вратат на претходните нивоа, ако делумно се нормализираат, постои значителен простор за закрепнување од аспект на ликвидност.“

Bloomberg Mercury

Индексот MSCI Asia Pacific порасна за 0,7 отсто, со јужнокорејскиот Kospi кој скокна за 2,8 отсто, а јапонскиот Nikkei 225 се искачи за 1,3 отсто. Кинескиот CSI 300 го сврте претходниот раст и падна за 0,5 отсто.

Фјучерсите на американските државни обврзници беа речиси непроменети во Азија. Доларот благо зајакна во однос на повеќето валути од групата Г10.

Азиските пазари кои се затворени денеска се Австралија, Нов Зеланд, Хонг Конг, Сингапур, Тајван, Филипини и Индонезија. Американските берзи исто така ќе бидат затворени за Велигденски петок, иако владата сепак ќе објави економски податоци, вклучително и мартовските податоци за невработеност надвор од земјоделството.

Цената на нафтата се искачи над 110 долари за барел во четвртокот, откако претседателот Доналд Трамп издаде нови закани против иранската инфраструктура во обид да изврши притисок врз Техеран во преговорите. Американската нафта скокна за 11 отсто, додека глобалниот брент се стабилизираше близу 109 долари.

 

„Со објавата на американските податоци за вработување и празникот пред нас, пазарите се претпазливи за тоа што може да се случи за време на викендот - особено првиот викенд по обраќањето на Трамп во средата навечер“, рече Рина Ошимо, висок стратег во „Окасан Секјуритис“ (Okasan Securities Co.) во Токио. „Ако нападите ескалираат или има одмазди, цените на нафтата може да останат високи подолго време.“

Американските акции вчера започнаа со голем пад по говорот на Трамп во средата навечер, кој малку ги увери инвеститорите дека војната на Блискиот Исток се приближува кон брзо решение, иако претходно тој постави временска рамка од две до три недели за завршување на конфликтот. Во четвртокот претседателот издаде нови закани за иранската инфраструктура во обид да изврши притисок врз Техеран во преговорите.

Шемата на војната

Порастот на индексот S&P 500 во четвртокот беше спротивен на шемата на распродажби кон крајот на неделата што го погодува пазарот откако започна војната, бидејќи нервозните инвеститори ги затвораат позициите што би можеле да бидат загрозени ако развојот за време на викендот ја влоши глобалната економија.

„Додека средствата се движат со секој нов наслов, сè додека не се постигне јасен договор со прифатлив план за повторно отворање на теснецот, ќе има надолен притисок врз економскиот раст и нагорен притисок врз инфлацијата,“ рече Макс Гокман, заменик директор за инвестиции во „Френклин инвестмент“ (Franklin Templeton Investment Solutions). „Тоа значи проблеми и за инвеститорите во акции и за оние во обврзници.“

Економистите проценуваат дека американските невработени надвор од земјоделството се зголемиле за 65.000 минатиот месец, по падот од 92.000 во февруари, според анкета на „Блумберг“.