Најавената даночна реформа негативно ќе се одрази на работата на Македонската берза. Во интервју за Блумберг Адриа ТВ, директорот на Берзата, Иван Штериев, вели дека стартот на 2023 година не е добро време за новини односно за даночење на капиталната добивка, согласно најавите од Министерсвото за финансии.
„Прво, тајминигот не е идеален затоа што после неколку добри години, годинава имаме влошени економски состојби. Второ, самата даночна постапка која е нормативно обмислена не е тестирана во практика затоа што оданочувањето на капиталната добивка со години се пролонгира и оттука има простор за доработка и за поедноставување на постапката која ќе биде сериозен административен товар и за инвеститорите и за брокерите. И трета работа, мора да се направи поефектна дистинкција меѓу краткорочните и долгорочните капитални добивки. Сега законот обмислува данок да не се плаќа дури по 10 години, а во многу јурисдикции потоа е после една или две години“, објаснува Штериев.
Сите овие забелешки, Македонската берза веќе ги доставила до предлагачот на законот, Министерството за финансии.
За повеќе детали, погледнете го разговорот во видеото.
.webp){kind=icon}