„Виктори џајант“ (Victory Giant Technology Huizhou Co.) објави раст од 28 отсто на кварталната продажба, поттикнат од посилната побарувачка за печатени електронски плочи (PCB) клучни за ВИ-сервери.
Кинескиот доставувач на „Енвидија“ (Nvidia Corp.) соопшти дека приходите во трите месеци до крајот на март пораснале на 5,5 милијарди јуани, односно 804 милиони долари, се наведува во извештајот објавен во вторникот. Нето-добивката се зголемила 40 отсто, на 1,3 милијарда јуани.
Ова е прв извештај за заработка на компанијата по нејзиното деби на берзата во Хонгконг на 21 април. Акцијата пораснала 43 отсто од листирањето.
„Виктори џајант“ се приклучи на бранот кинески листирања во секторот на вештачката интелигенција, кој стана популарна инвестициска приказна во услови на нестабилна состојба на Блискиот Исток.
Компанијата очекува „брз раст“ во следните пет години, бидејќи довербата во побарувачката за ВИ и натаму се одржува, изјави основачот Чен Тао во интервју минатата недела.
.webp){kind=icon}
