Септември донесе раздвижување на тргувањето на Македонската берза и вкупен промет од 475 милиони денари (7,7 милиони евра), што е зголемување за 44,6 проценти во однос на август, годинава кога вкупниот промет изнесуваше 328,5 милиони денари(5,3 милиони евра).
Податоците од месечниот билтен на берзата за септември покажуваат дека во класичното тргување има раст кај прометот со акции, додека пад кај обврзниците. Значителен раст има и кај прометот со блок-трансакции.
Најтргувани биле акциите на „Комерцијална банка“, „Алкалоид“ и „Гранит“. Најголем пораст на вредноста имале приоритетните акции на „Стопанска банка Скопје“, акциите на „УНИ Банка“ и на „Гранит“. Најголем пад на вредноста имале акциите на скопски „Бетон“, „Жито Лукс“ и „НЛб банка“.
.webp){kind=icon}
