Акциите растат, се анализира кратењето на количините нафта

Европските акции добија на својата вредност додека инвеститорите го анализираат влијанието на растечките цени на нафтата врз ризичните имоти. Индексот „Stoxx Europe 600“ порасна за 0,6 отсто, предводен од акциите на автомобилската индустрија и недвижнините. Државните обврзници паднаа во целиот регион. Фјучерсите „S&P 500“ и „Nasdaq 100“ забележаа скромни добивки.

 

 

Приносите од 10-годишните обврзници пораснаа, додека доларот ослабна по вчерашниот скок, најголем неделава. Фунтата ја избриша добивката, а трговците го проценуваат потегот на агенцијата „Fitch Ratings“ да ги намали своите прогнози за Обединетото Кралство во негативни.

Инвеститорите се обидуваат да го утврдат влијанието на одлуката на Организацијата на земји извознички на нафта и нивните сојузнички (ОПЕК+) да го намалат дневното производство за два милиона барели. Нафтата се тргува на ниво од околу 88 долари за барел. Белата куѓа предупреди на негативни влијанија врз светската економија поради ограничувањата од рускиот увоз и рекоа дека САД ќе ослободат 10 милиони барели од стратешките резерви.

Зголемените цени на енергијата може да ја поттикнат инфлацијата. Меѓутоа, исто така, ја ограничува и побарувачката, забавувајќи ја економијата во согласност со тоа што американските Федерални резерви (ФЕД) се надева да го постигне со строгата монетарна политика, да ја заузда инфлацијата.

Претседателот на централната банка на Атланта, Рафаел Бостич, рече дека банкарите од ФЕД се залагаат за зголемување на каматната стапка на 4,5 отсто до крајот на годинава, што имплицира дополнително покачување на каматите за уште 125 бодови. Неговата колешка од Сан Франциско, Мери Дели, предупреди дека не се очекува некакво намалување на каматите во 2023 година.