„Најшортирани“ акции од S&P 500: Каде инвеститорите очекуваат пад, а каде се крие можност?

Американските берзи во четвртокот забележаа еден од најголемите дневни падови во последната година и пол. Индексот S&P 500 изгуби 4,4 проценти од својата вредност, додека технолошкиот Nasdaq падна за 5,5 проценти, при што компаниите поврзани со развојот на вештачката интелигенција беа особено погодени. Додека повеќето инвеститори се соочуваат со загуби и се обидуваат да проценат колку долго би можел да трае падот, одредени учесници на пазарот се обидуваат да остварат профит токму од ваквите движења.