Европските акции го следат падот на азиските во првиот ден од овонеделното тргување, главно поради зголемената загриженост од инфлација, раст на камати и рецесија, што владее пред почетокот на сезоната на објава на заработките на компаниите.
Индексот „Stoxx Europe 600“ утрово падна за 0,4 проценти. Американските фјучерси на „S&P 500“ и „Nasdaq 100“ паднаа за околу 0,3 отсто.
Целото внимание е насочено во податоците за инфлацијата во Соединетите Американски Држави (САД), што би требало да бидат објавени во четврток. Можноста дека бројките ќе бидат поголеми од очекуваното создава притисок врз креаторите на монетарната политика да продолжат со големите покачувања на каматните стапки годинава.
Добрите податоци за пазарот на работна сила во САД ги зацврстија ставовите на банкарите од американските Федерални резерви (ФЕД) за четврто по ред зголемување на референтната каматна стапка од 75 базични бодови следниот месец.
Банкарите се децидни и остри во својата порака дека нема да отстапат од подигнување на каматните стапки и покрај несигурноста на финансискиот пазар или заканата од економски пад. Записникот од последниот состанок на банкарите на ФЕД ќе стигне во среда и може да понуди подобар увид во фокусот на централната банка.
„Со оглед на големината на заострувањето, преку што се обидуваат да се искупат за грешките од минатото, Федералните резерви не се доволно моќни да се носат со тој процес и да ја доведат економијата до меко приземјување“, вели Комал Сри-Кумар, претседател на „Sri-Kumar Global Strategies“.
Во меѓувреме, Централната банка на Обединетото Кралствпо соопшти дека ќе ги прошири своите интервенции преку операциите за купување на пазарот на обврзници во следните пет дена на најмногу 10 милијарди фунти (околу 10,8 милијарди долари), од претходните 5 милијарди фунти.
Во претходните операции Централната банка на Обединетото Кралство прибра вкупно околу 4,6 милијарди фунти, што претставува околу 12 проценти од понудените 40 милијарди фунти.
Индексот за азиските акции падна за повеќе од 1 процент во услови на нови американски ограничувања на пристапот на Кина до американската технологија.
USDEUR:CUR
USD
1,0306 EUR
почетна цена
1,0262
претходна цена на затворање
1,0262
промена од почетокот на годината
17,0135%
дневен опсег
0,00 - 0,00
опсег на 52 недели
0,86 - 1,05
Доларот флуктуираше. Стратезите од „Goldman Sachs Group Inc.“ предупредија дека силата на американската валута претставува ризик за сезоната на заработки, со оглед на тоа дека американските компании остваруваат 30 проценти од приходите во странство.
„Се' што гледаме укажува на тоа дека сме во некој вид рецесивно опкружување од третиот квартал и тоа ќе се зголеми во следните неколку недели“, изјави за Блумберг ТВ Џонатан Гарнер, директор и главен стратег за Азија и пазарите во развој во Морган Стенли.
.webp){kind=icon}
