.webp){kind=icon}
Акциите продолжија да паѓаат, а валутите осцилираа поради внимателноста на пазарот додека инвеститорите се во исчекување на долго најавуваните податоци за инфлацијата во САД, кои што ќе бидат објавени денеска подоцна.
Акциите паднаа во Јапонија, Хонгконг и Јужна Кореја, заедно со европските фјучерси. Американските договори осцилираа по падот на „S&P 500“ на најниско ниво од ноември 2020 година. Утрово падот на „S&P 500“ изнесуваше 0,3 проценти, додека „Nasdaq“ забележа минимален пад од 0,1 отсто. Фјучерсите „Euro Stoxx 50“ паднаа за 0,5 отсто.
Доларот ја задржа добивката, а јенот некако се закотви на ниво од 24-годишна најниска вредност поради што трговците се внимателни бидејќи се можни интервенции од јапонските власти, нешто што веќе еднаш претходно се случи.
USDJPY:CUR
USD
146,83 JPY
почетна цена
146,91
претходна цена на затворање
146,91
промена од почетокот на годината
27,5634%
дневен опсег
0,00 - 0,00
опсег на 52 недели
112,53 - 146,97
Инвеститорите се нервозни чекајќи ги податоците за потрошувачките цени, кои што може да се клучни за одлуката на американските Федерални резерви (ФЕД) за четвртото по ред зголемување на каматните стапки, создавајќи уште поголем ризик за и без тоа кревката светска економија.
Записниците објавени вчера од последниот состанок на банкарите од ФЕД сугерираат дека некои од нив размислуваат за намалување на темпото на раст на каматните стапки, што накратко го разбранува Вол Стрит.
Трговците со јапонската валута јен се подготвуваат за следните податоци за потрошувачката. Валутата утрово падна за 2 проценти.
Фунтата забележа блад пад по напорниот ден со купување обврзници од страна на британската централна банка (Bank of England), која што го повтори ставот дека итната поддршка на пазарот ќе престане во петок.
Администрацијата на американсиот претседател Џо Бајден размислува и алуминиумот да го додаде во економските сакции против Русија. Поради тоа акциите на Русал, рускиот алуминиумски гигант, забележаа остар пад утрово.
