Пресвртот до кој што дојде на американските берзи во текот на вчерашниот ден по првичната расродажба на акциите на крајот резултираше со раст на тамошните берзански индекси, што претставуваше прекин на негативниот тренд во последната недела. Индексот „Dow Jones“ ја зајакна својата вредност за 2,8 проценти, „S&P 500 за 2,6 отсто, а технолошкиот индекс „Nasdaq“ порасна за 2,2 проценти. Меѓу секторите најдобар ден имаа акциите на финансиските и енергетски компании.
На самиот почеток на тргувањето акциите продолжија да одат надолу, како и претходните неколку дена, а тоа дополнително беше поттикнато и од објавата на најновите податоци, кои покажаа дека на годишно ниво инфлацијата во САД во септември изнесува 8,2 отсто, што е повеќе од очекувањата. Но, по почетниот пад на берзите се случи пресврт. Дел од аналитичарите тврдат дека до промената дојде заради покривање на отворените позиции кај инвеститорите кои беа принудени да купуваат акции за да не се доведат до поголеми загуби.
Други играчи на пазарот, пак, сметаат дека до пресвртот дојде бидејќи акциите паднаа доволно за повторно да станат провлечни за купување. Во последните два месеци индексот „S&P 500“ загуби 15 проценти од својата вредност, што укажува на тоа дека лошите вести, како што е најновата со тврдоглаво високата инфлација, веќе се вкалкулирани во вредноста на акциите и дека веќе нема многу простор за пад.
Денеска почнува и сезоната за објава на кварталните резултати за американските компании, па инвеститорите се надеваат дека работите нема да бидат полоши отколку што се најавуваше во текот на изминатите неколку дена.
.webp){kind=icon}
Во моментов нема коментари за веста. Биди прв да коментира...