.webp){kind=icon}
Американските акции продолжија да растат во момент кога аналитичарите проценуваат дека покачените каматни стапки од страна на Федералните резерви (ФЕД) може наскоро да го намалат темпото поради забавувањето на економијата, а голем дел од компаниите кои се дел од индексот „S&P 500 “ објавуваат добри деветмесечни финансисски резултати.
Индексот „S&P 500“ го заврши денот појак за 1,63 проценти. „Dow Jones“ доби 1,07 отсто на својата вредност, а индексот „Nasdaq“ дури 2,25 проценти.
Како што се очекува, банкарите од ФЕД следниот месец би можеле повторно да ја зголемат клучната каматна стапка за 75 базични бодови, но наредните зголемувања на каматите после ова може да бидат со помало темпо.
Сега предизвиците се во Европа, каде што се очекува дека оваа недела Европската централна банка (ЕЦБ) треба да ја подигне каматната стапка за 75 базични бодови.
До сега 28 проценти од компаниите кои се дел од индексот „S&P 500“ ги објавија своите деветмесечни финансиски извештаи и дури 70 проценти од нив оствариле резултати подобри од очекувањата.
На берзите воочлив раст оствари „Apple“ бидејќи аналитичарите очекуваат дека зголемените цени за некои од услугите ќе дадат позитивен резултат. Растат и акциите на „Coca-Colа“ и „General Motors“ откако и тие објавија дека ги надминале проценките за заработка.
„Чувствителноста на инвеститорите уште е неверојатно кревка. Очекуваме и натаму нестабилност на пазарот. Очите сега се вперени во покачувањето на каматните стапки ширум светот и на тоа каде прво ќе почне да слабее инфлацијата. Мислам дека до крајот на годината не' чека нестабилен пазар“, изјави Кетрин Јонг, директорка за инвестиции во „Fidelity International“.
