Извесно е дека и Европската централна банка (ЕЦБ) и американските Федерални резерви (ФЕД) ќе продолжат со покачување на каматните стапки во наредниот краток период. Но, познавачите на пазарот на капитал очекуваат бргу да дојде периодот на стабилизација на монетарната политика во делот на каматните стапки и постепено намалиување на истите.
„Во моментов има голема несигурност на берзите поради развојот пред се' на монетарните мерки и политики во делот на каматните стапки. Тоа што е сигурно е дека покрај денешното зголемување во следниот период до крајот на годинава треба да се очекува уште едно зголемување на каматните стапки од 0,5 отсто и во принцип многу е важно како ќе се развива тој процес на зголемување на каматните стапки“, вели Горан Марковски, главен извршен директор на КБ Публикум Инвест во гостувањето во Блумберг Адриа Конект.
За сега има оптимизам на пазарите на капитал, смета Марковски.
„Доколку дојде до некое изненадување или пресврт во монетарната политика, тоа силно ќе влијае на пазарот. Барем за сега пазарите на капитал се оптимистични и веруваат дека ова е едно од последните покачувања на каматните стапки, не само во ЕУ, туку веруваат дека и ФЕД наскоро ќе престане со покачување на каматните стапки после очекуваните зголемувања во ноември и на следниот состанок на банкарите. Но, тоа би бил некој максимум и потоа се очекува централните банки да преминат на политика за одржување и постепено намалување на каматите во следниот период“, смета Марковски.
Погледнете го целиот разговор на Блумберг Адриа Конект со Горан Марковски од КБ Публикум Инвест, каде се зборува и за можните правци за решавање на проблемите и инструментите што ЕЦБ ги има на располагање во тој дел.
.webp){kind=icon}
