Повторно, како и ден претходно, послабите резултати од очекуваното кај технолошките компании влијаеа на падот на два од трите главни американски индекси, а акциите на Meta паднаа за цели 24,56 отсто, по најавите дека компанијата уште некое време ќе има помали приходи од рекламирање и дека губи пари во креирањето на метаверзумот.
Порчитајте повеќе: 'Мета' губи вредност и може да испадне од најголемите 20 компании
Во четвртокот Dow Jones зајакна 0,61 отсто, но S&P 500 падна за 0,61 отсто, а Nasdaq 100 за 1,88 отсто.
Amazon објави дека овој квартал очекува најслаба продажба досега кога станува збор за празничниот период на крајот на годината.
Акциите на азискиот пазар во петокот паднаа по настаните на Волстрит.
Но, сепак меѓу компаниите кои го сочинуваат индексот S&P 500 и кои досега ги објавија деветмесечните резултати, околу три четвртини имаат подобри резултати од очекуваното.
Добра вест е и тоа што, според Министерството за трговија, американската економија пораснала за 2,6 отсто во третиот квартал, што донекаде ги намалува стравувањата од рецесија, а намалувањето на инфлаторните притисоци може да доведе до забавување на темпото на зголемување на каматните стапки од страна на ФЕД по ноември.
.webp){kind=icon}
