.webp){kind=icon}
Брзата распродажба на акциите на „Тесла“ направи цените на поголемиот дел акции на Волстрит што имаат поставена вредносна цел од аналитичарите да изгледаат застарено. Сѐ поголемиот јаз значи дека акциите на „Тесла“ мора да пораснат за неверојатни 80 проценти за да ја достигнат просечната цена поставена од аналитичарите, што, патем, е втора најголема во рамките на индексот Nasdaq 100, веднаш зад акциите на „Баиду“.
Акциите на компанијата на Илон Маск паднаа за 52 процента оваа година, на 167,87 долари, додека аналитичарите проценуваа просечна цена од 302 долара. Акциите денеска пораснаа за 0,5 проценти, а ако добивката се одржи до крајот на денешното тргување, тогаш ќе успеат да го прекинат четиридневниот пад.
Bloomberg Mercury
„Тесла“ се соочува со низа проблеми, почнувајќи од промената на фокусот на Маск во дејствувањето со „Твитер“, па до враќањето на ограничувањата во Кина поради политиката на нулта ковид. На тоа се додаваат и кратењата во испораките во синџирот на снабдување, растечките трошоци на суровините и купувачите, кои чувствуваат притисок од тврдоглавата инфлација и растечките каматни стапки. Сепак, многу аналитичари остануваат при своите оптимистички прогнози, при што 27 од нив би ги купиле акциите, 11 од нив би ги задржале, а само седуммина би ги продале.
„Би можело да биде многу тешко да заздрават акциите во наредните години. Препорачуваме да не се осврнувате назад“, рече Валери Гесталди, техничка аналитичарка во „Дејбајдеј“ (DaybyDay).
Падот годинава ја доведе пазарната капитализација на „Тесла“ на ниво од над 530 милијарди долари, што е далеку од една илјада милијарди долари, колку што изнесуваше во април.
