Акциите го продолжуваат растот

Акциите во Азија напредуваа, следејќи го растот на Волстрит, заедно со порастот на технолошките акции на берзата во Хонгконг, како резултат на шпекулациите дека кинеското регулаторно задушување на секторот може да се доближи до крајот.

 

 

Индексот на азиските акции порасна, како и европските термински договори, откако S&P 500 го затвори тргувањето на највисоко ниво од средината на септември. Расположението го зајакнаа и коментарите на надлежните од ФЕД, кои сигнализираат подготвеност за забавување на темпото на зголемување на каматните стапки, како и оптимистичката заработка на одредени компании.

Технолошки акции во Хонгконг беа разнишани пред да го консолидираат својот напредок, додека инвеститорите ги одмеруваат импликациите од извештајот дека „Ент груп“ (Ant Group Co.) се соочува со казна од над една милијарда американски долари од кинеската централна банка. Веста поттикна шпекулации дали ова може да означи потенцијална крајна точка на владиниот притисок на технологијата и може да дозволи „Алибаба груп“ (Alibaba Group Holding Ltd.) повторно да направи напори да ги објави акциите на „Ент“.

Индексот за вредноста на доларот падна, а еврото и валутата на Нов Зеланд имаа најдобри резултати меѓу своите конкуренти од десетте најмоќни валути во светот.

Порастот на трезорските обврзници вчера го однесе референтниот принос на десетгодишните обврзници на 3,76 проценти.

Биткоинот ја задржа својата неодамнешна добивка откако вчера порасна дури за 4,2 проценти и ја издигна дигиталната валута од најниското ниво од ноември 2020 година.

Податоците за производството во САД паднаа под очекувањата, потврдувајќи го наративот за највисока инфлација. Претседателката на ФЕД Сан Франциско, Мери Дели, рече дека надлежните мора да водат сметка за доцнењето во преносот на промените на политиките, додека нејзината колешка од ФЕД Кливленд, Лорет Местер, рече дека е отворена за умерено зголемување на каматите.

Во моментов нема коментари за веста. Биди прв да коментира...

Остави коментар