.webp){kind=icon}
Како резултат на надежите дека ФЕД неделава може да забави во ритамот на зголемување на каматните стапки, а можеби и наскоро да го заврши циклусот на нивно зголемување, цените на акциите во САД во вторникот пораснаа, па сите главни индекси се зголемија во вредност.
Dow Jones го заврши денот посилен за 1,09 отсто, S&P 500 за 1,46 отсто, а Nasdaq за 1,67 отсто.
Фактот дека растот на платите е забавен, што го ограничува инфлацискиот притисок, ги поддржува очекувањата дека ФЕД може да ја зголеми каматната стапка за само 25 базични поени в среда. Шефот на ФЕД, Џером Пауел, по состанокот ќе одржи прес-конференција, по која инвеститорите веројатно ќе имаат појасна слика што да очекуваат понатаму, а тоа секако ќе се одрази и на берзата.
Покрај одлуката на ФЕД, во фокусот на инвеститорите и аналитичарите деновиве е и објавувањето на деловните резултати на компаниите.
Во секој случај, на крилјата на оптимизмот, американските индекси успешно го завршија месецот во кој забележаа значителен раст, на пример S&P 500 за 6,2 отсто, а Nasdaq за 10,7 отсто.
Акциите растат, а доларот паѓа додека се чека врвот на циклусот на зголемување на каматните стапки
Bloomberg Mercury
Азиските акции во средата, исто така го следеа растот од Волстрит, бидејќи инвеститорите се позиционираат пред одлуката на ФЕД, па индексите на повеќето пазари благо пораснаа, на пример во Хонгконг за 0,4 отсто, а во Шангај и Австралија за 0,3 отсто.
