Берзи

Мешана слика на денешното тргување на светските берзи

Извор: Brett Miller/Bloomberg

7 март 2023, 09:33

Договорите за европските и американските акции се малку променети, а во Азија, пак, сликата е мешана

Инвеститорите се во исчекување на говорот на претседателот на ФЕД пред американскиот Конгрес

Неговото излагање ќе даде насоки за натамошните чекори на ФЕД во однос на монетарната политика

Мешана слика на денешното тргување на светските берзи

Bloomberg Mercury

Фјучерсите на американските акции остварија мали добивки, додека азиските акции флуктуираа во денешната немирна сесија, бидејќи инвеститорите очекуваа повеќе знаци од кинеските креатори на политиката и претседателот на Федералните резерви (ФЕД), Џереми Пауел.

 

 

Договорите за европските и американските акции се малку променети. На азискиот пазар, пак, има мешана слика. Јапонскиот индекс порасна за 0,4 проценти, хонконшкиот утрово падна за 0,8 отсто, по претходно остварениот раст од 1,9 процент, а шангајскиот индекс падна за 1,1 отсто.

Мерачот на јачината на зелената банкнота беше стабилен, со тоа што еврото чини 1,0680 долар. Инвеститорите продолжуваат да го мерат влијанието на целта за скромниот раст на Кина, што доаѓа со помалиот инфлаторен притисок, заедно со веројатноста за повеќе зголемувања на каматните стапки во економиите, вклучувајќи ги и САД. Пауел ќе се соочи со Конгресот двапати оваа недела, почнувајќи подоцна во текот на денешниот ден. Тој ќе има можност да каже колку поголемо заострување на политиката смета дека е потребно, пред клучниот извештај за работните места в петок и следната одлука за стапките во САД, која треба да се донесе на 22 март.

Податоците објавени за време на пладневната пауза покажаа дека извозот и увозот на Кина продолжија да се намалуваат во првите два месеца од годината, заматувајќи ги изгледите за економијата, која постепено почнува да закрепнува од ограничувањата за ковид.

Тековниот недостиг од привлечност за американските пазари на акции покажува дека многу инвеститори заклучуваат дека неодамнешниот раст веројатно бил претеран во услови на ризици од рецесија што се задржуваат, бидејќи централните банки низ светот покажуваат дека веројатно нема наскоро да се оддалечат од строгото монетарно затегнување.

„Иако врвот на инфлацијата можеби веќе помина и има некои охрабрувачки знаци во однос на храната и другите стоки, сè уште има значителни ценовни притисоци. Упорноста ја гледаме на страната на услугите и тоа може да се одолжува малку подолго“, рече Хенриета Пакемент, раководителка на глобалниот тим за фиксен приход во „Олспринг глобал инвестментс“ (Allspring Global Investments), во разговор за Блумберг ТВ. Пакемент исто така предупреди дека изгледите до 2023 година се нејасни.

„Мислам дека треба да го имате на ум и сценариото за рецесија“, додаде таа.

На другите пазари златото се држи до мали добивки.

Криптопазарот, пак, покажува мала позитива во период на криза и пад на вредноста на најголемите криптовалути, со тоа што утрово биткоинот се зголеми за 0,1 отсто и чини 22.439,71 долари, додека етерот порасна за 0,4 проценти и се тргува по цена од 1.573 долари.

Сите новости од рубриката Пазари

Пазари

Страв меѓу инвеститорите, берзите крварат, длабоки загуби на крипто-пазарот
Берзи

Страв меѓу инвеститорите, берзите крварат, длабоки загуби на крипто-пазарот

Откако „Блумберг“ објави дека администрацијата на Трамп има намера дополнително да го ограничи пристапот на Кина до полупроводници (чипови), денешното тргување во Азија заврши главно во минус.

пред 10 часа

Автор: Aleksandar Lukić

сите новости од рубриката Пазари