.webp){kind=icon}
Мајкл Вилсон од „Морган Стенли“ вели дека сè уште гледа минус од 20 проценти на некои од големите акции за технологија, без да прецизира конкретно на кои од нив мисли.
Аналитичарот, кој долги години важи за личност со мечкино расположение, за „Блумберг срвејленс“ (Bloomberg Surveillance) вели дека вреднувањата на заработка се надвор од границите, дури и без рецесија.
„Генерално, растот на вашите акции, па дури и на цикличните имиња што сега отидоа предалеку, може без проблем да се соочи со минус од дури 20 проценти“, рече Вилсон. Тој вели дека може да види како банкротираат некои фирми.
Иако тој во понеделникот рече дека очекува акциите да се зголемат на краток рок, сепак предупредува дека индексот S&P би можел да го тестира ниското ниво во октомври, бидејќи основите се влошуваат. Инаку, S&P 500 порасна за 5,4 проценти оваа година, додека технолошкиот индекс Nasdaq 100 се зголеми за повеќе од 12 отсто.
Вилсон беше рангиран како број еден во минатогодишното истражување на „Институшнал инвестор“ (Institutional Investor), откако правилно ја предвиде распродажбата на акциите во 2022 година. Тој во октомври точно го прогнозира растот на американските акции. Стратегот рече дека пазарите заборавиле на целата идеја за акумулации, заработки без конкретна готовина што доаѓа.
„Распонот помеѓу готовинскиот тек и приходите на компаниите пријавени во овој период на жешка инфлација ќе им наштети на маржите“, рече Вилсон.
„Прашањето е дали пазарите ќе го разгледаат тоа и ќе сугерираат дека ова е привремено и компаниите ќе се насочат околу тоа. Но нашето искуство покажува дека пазарот нема да го разгледа тоа ако падот на заработката биде толку тежок колку што мислам“, рече Вилсон. Проблемот, според него, е што способноста на пазарите да ја согледаат разликата помеѓу реалната економија и тоа што може да се случи со заработката трае подолго отколку што треба.
„Тоа е она што е фрустрирачко за некои инвеститори што се во ова. Очигледно е што ќе се случи. Зошто на пазарот му треба толку долго да го одреди ова? Тоа едноставно е така“, додаде тој.
