Профитите на технолошките компании ги „билдаат“ берзанските индекси

Откако по вчерашната објава на податоците за американскиот БДП, кои покажуваат дека економијата пораснала за само 1,1 отсто во првиот квартал, што е значително под очекувањата, фјучерсите на американските акции паднаа, приносите на државните обврзници скокнаа, а доларот зајакна. Но веќе утрово сликата е поинаква.

 

 

Индексот S&P 500 денеска бележи раст од два отсто, а технолошкиот индекс Nasdaq 100 порасна дури за 2,8 отсто. Позитивата е присутна и во Европа и Азија, каде што главните индекси пораснаа најмногу до 0,9 проценти.

Растот на американските акции е одраз на позитивните корпоративни извештаи од технолошките компании со мегакапитал, вклучувајќи ги „Мета“, „Алфабет“ и „Мајкрософт“, додека акциите на „Интел“ напредуваа во постпазарното тргување по објавувањето на резултатите доцна вчера.

„Сигурно гледаме дека големата технологија оди добро во зоната на заработка, но гледаме и доста други компании што забавуваат“, рече Лајла Пенс, претседателка на „Пенс велт“ (Pence Wealth Management), во гостувањето на телевизијата „Блумберг“.

На криптопазарот, токените се во црвената зона, со што биткоинот бележи пад на вредноста од 0,4 проценти и чини 29.504,62 долари, а етерот падна за 0,3 отсто, на 1.915,02 долари.

Во моментов нема коментари за веста. Биди прв да коментира...

Остави коментар