Азиските акции растат поради оптимизмот околу односите меѓу САД и Кина

Азиските акции пораснаа откако американскиот претседател Џо Бајден рече дека се очекува односите со Кина да се подобрат многу брзо, како и бидејќи пазарот чека можен напредок во разговорите за ограничување на долгот на САД.

Хонконшкиот индекс скокна за повеќе од еден отсто, предводен од технолошките акции. Напредокот доведе до раст низ регионот, што ги вклучи и акциите во Јапонија и континентална Кина.

„Мислам дека ќе видите многу наскоро да почне да омекнува работата“, рече вчера Бајден по самитот на Групата седум (Г7) во Јапонија. Тој додаде дека неговата администрација размислува дали да ги укине санкциите за кинескиот министер за одбрана Ли Шангфу.

Индексот S&P 500 утрово е речиси непроменет по малиот пад од 0,1 отсто во петокот, исто како и технолошкиот индекс Nasdaq 100, кој во петокот падна за 0,2 отсто. Азиските берзански индекси се со различни вредности, почнувајќи од пад од 0,2 отсто во Австралија, па до раст од дури 1,3 отсто во Хонгконг.

Договорите за S&P 500 се намалија, додека тие за Nasdaq 100 беа стабилни откако двата индекса забележаа мал пад во петокот. Договорите за Euro Stoxx 50 останаа во тесен опсег.

Јенот и швајцарскиот франк се зголемија во однос на повеќето нивни главни конкуренти меѓу валутите, одразувајќи одреден степен на побарувачка во безбедната зона, која се смета за засолниште. Мерачот на доларот падна пониско, со што во однос на еврото се тргува по курс од 1,0822 американски долар за евро. Златото остана стабилно по растот од еден отсто во петокот.

На криптопазарот нема многу позитивно расположение. Биткоинот падна за 0,5 проценти, на 26.716,96 долари, додека етерот утрово е со минимална промена и се тргува по цена од 1.804,74 долари.

Разговори за долгот

Претседателот Бајден и претседателот на Претставничкиот дом, Кевин Мекарти, денеска треба да се сретнат во Вашингтон по „продуктивниот“ повик меѓу двајцата во текот на викендот. Сепак, еден републикански преговарач инсистира на повеќегодишно ограничување на трошоците, комплицирајќи ги разговорите дури и кога земјата може да се соочи со неплаќање уште на 1 јуни. Мекарти минатата недела рече дека за да се исполни крајниот рок од 1 јуни, Домот ќе мора да гласа оваа недела за каков било компромисен план. Потоа, Сенатот ќе го преземе предлог-решението, пред да оди на масата на Бајден за да биде потпишан како закон.

Според стратезите на УБС (UBS), акциите се подготвуваат да паднат доколку САД не го подигнат лимитот на долгот и ги одложи плаќањата на владата.

„Иако е малку веројатно, ако САД формално ги одложат сите плаќања надвор од главнината за една недела, индексот S&P 500 ќе падне дури за 20 проценти, на 3.400 бода“, велат од тимот на УБС, предводен од Џонатан Пингл.

Пауза на ФЕД

Трговците исто така остануваат фиксирани на патот за референтната стапка на ФЕД, при што облозите за покачување во јуни се намалени на 25 проценти, додека Џером Пауел сигнализираше пауза. Претседателот на ФЕД Минеаполис, Нил Кашкари, исто така рече дека може да поддржи пауза.

„Пазарните цени цврсто се враќаат на размислувањето дека ФЕД ќе паузира“, напиша Крис Вестон, раководител за истражување во „Пеперстоун груп“ (Pepperstone Group Ltd), во истражувачката белешка.