text size
Оваа зима нема да биде толку студена за инвеститорите што на почетокот на годинава решија да вложат пари во акциите на седумте величествени – големи технолошки компании што веќе подолг период се двигатели на пазарот на капитал. Тие секогаш може да се стоплат од слатките приноси што ги донесоа акциите на гигантите што се дел од оваа група („Епл“, „Амазон“ „Алфабет“, „Мета“, „Мајкрософт“, „Енвидија“ и „Тесла“). Сите компании забележаа значителен пораст на вредноста на акциите од почетокот на годинава досега. Станува збор за компании што сочинуваат 28,9 проценти од најпознатиот берзански индекс на светот S&P 500 и кои годинава предизвикаа луд интерес со вештачката интелигенција.
Извор: Блумберг терминал
Токму новите иновативни решенија поврзани со вештачката интелигенција ја вивнаа вредноста на акциите на „Енвидија“ (Nvidia) годинава. Акцијата на оваа компанија имаше најниска вредност од 142 долара на почетокот на годината, а на 20 ноември достигна вредност од 504 долари, што е пораст од дури 253 проценти.
Извор: Блумберг терминал
Огромен пораст на вредноста на акциите имаше и „Мета“ (Meta platforms), во чија сопственост е социјалната мрежа Фејсбук. Оваа акција имаше најниска вредност од 124 долари на 3 јануари годинава, а највисока вредност од 341 долар оствари на 20 ноември, што е зголемување за 173 проценти.
Прочитај повеќе
Ајфон ја вивна компанијата: „Фокскон“ ќе гради нови фабрики во Индија
Тајванската компанија е азиски производител на ајфон и ќе вложи дополнителни 1,6 милијарди долари
27.11.2023
„Епл“ заработува 36 отсто од приходите на „Гугл“
И „Гугл“ и „Епл“ се спротивставија на објавување детали од нивниот договор.
14.11.2023
Скок на „Самсунг“ откако стана снабдувач на „Енвидија“ за ВИ
„Самсунг“ го склучи договорот за снабдување на „Енвидија“ со ХБМ3 откако неговите чипови го поминаа последниот тест за квалитет
02.09.2023
Извршниот директор на „Енвидија“ на чекор до групата 25 најбогати
Вкупното богатство на Хуанг се зголеми на 46,1 милијарди долари
24.08.2023
Извор: Блумберг терминал
Трета компанија по остварениот раст на вредноста на акциите е „Тесла“. Акцијата на оваа компанија на 3 јануари годинава имаше најниска вредност од 108 долари. Највисока вредност од 293 долари оваа акција имаше на 31 јули, што е раст од 171 процент. Вредноста на „Тесла“ потоа почна да опаѓа, а деновиве акцијата се тргува по цена од 244 долари, што секако е многу повеќе отколку на почетокот на годината.
Извор: Блумберг терминал
„Амазон“ (Amazon) е следна компанија меѓу седумте величествени со најголем процентуален пораст на вредноста на акциите во текот на 2023 година. Имено, на 5 јануари годинава акцијата на оваа компанија се тргуваше по цена од 83 долари, а на 27 ноември нејзината цена достигна 147 долари, што е зголемување од 77,7 проценти.
Извор: Блумберг терминал
„Мајкрософт“ (Microsoft), компанија што е еден од најголемите инвеститори во „Опен еј-ај“(Open AI) и во развојот на вештачката интелигенција, ја започна годината со вредност на акцијата од 222 долара, која на 28 ноември достигна врв од 382 долара односно зголемување од 72,1 проценти.
Извор: Блумберг терминал
Вредноста на акцијата на „Алфабет“ (Alphabet), компанија во чија сопственост е „Гугл“, на 5 јануари годинава изнесуваше 86 долари, а рекордна вредност од 140 долари достигна на 11 октомври. Станува збор за пораст од 63 проценти меѓу најниската и највисоката вредност. Оваа акција потоа имаше пад, но нејзината вредност изминативе денови се движи околу 134 долари и е блиску до постигнатиот годинашен рекорд.
Извор: Блумберг терминал
Голем раст на вредноста на акциите забележа и „Епл“ (Apple), производителот на популарниот ајфон. Акцијата на оваа компанија на почетокот на годинава се тргуваше по најниска цена од 125 долари. До 31 јули, вредноста на оваа акција оствари рекорден пораст од 57,3 проценти и се продаваше по цена од 196 долари за акција. Иако потоа забележа опаѓање, вредноста на акцијата на „Епл“ изминативе денови се движи околу 189 долари, што е многу повеќе отколку на почетокот на годината.
.webp){kind=icon}
