text size
Марк Закерберг во последните два месеци продаде акции на „Мета“ во вредност од речиси половина милијарда долари. Кризата во која се наоѓаше компанијата пред две години доведе до пад на цената на најниско ниво во последните седум години.
Како што покажува поднесокот до регулаторното тело, првиот човек на „Мета“ продавал акции секој работен ден од 1 ноември до крајот на годината, со што се ослободил од 1,28 милиони акции, чија вкупна вредност е околу 428 милиони долари.
Во просек, тој продавал акции во вредност од 10,4 милиони долари секој ден, со најголема трансакција (од 28 декември) вредна 17,1 милиони долари.
Bloomberg
Пред ова, Закерберг немаше продадено акции на Мета од ноември 2021 година. Цената на акциите на „Мета“ скокна за 194 отсто по споменатиот пад во 2022 година. Во годината до денес, тие ги надминаа сите големи технолошки компании освен „Енвидија“ и сега се блиску до нивниот рекорд од септември 2021 година.
Закерберг поседува околу 13 отсто од акциите на „Мета“, а неговото богатство е околу 125 милијарди долари, според индексот на милијардери на „Блумберг“. Според овие податоци тој е седми на листата на најбогати луѓе во светот.
„Мета“ не одговори на прашањата на „Блумберг“.
Марк Бениоф, пандан на Закерберг во технолошкиот свет, исто така продаваше акции речиси секој ден во втората половина на 2023 година. Ко-основачот на „ Салесфорце “(Salesforce) продаде акции вредни повеќе од 475 милиони долари во овој период. Во просек, тој продавал по 15.000 акции секој ден (околу три милиони долари).
.webp){kind=icon}
