Индексот S&P 500 забележа најголем раст од ноември 2022 година

Акциите силно закрепнаа, а обврзниците паднаа откако најновиот извештај за вработувања во САД ги намали стравувањата од поизразено забавување на најголемата светска економија.

Сите главни групи во индексот S&P 500 забележаа раст, што доведе до најголем скок од ноември 2022 година, бидејќи податоците покажаа дека бројот на нови поднесоци за бенефиции за невработеност во САД се намалил за најмногу за речиси една година. Како што стивнаа економските грижи, така паднаа и обврзниците, главно краткорочни. Загубите продолжија по слабата продажба од 25 милијарди долари на 30-годишни државни обврзници.

Пазарите се во хаос откако минатонеделните економски податоци ја поттикнаа загриженоста дека Фед предолго чека да ги намали каматните стапки, загрозувајќи ја можноста за „меко приземјување“. Овие стравови, заедно со растегнатите позиции, слабите перформанси на технолошките компании и лошите сезонски трендови, предизвикаа голема финансиска нестабилност.

„Имаме добри вести бидејќи бројот на барања за невработеност е помал од очекуваното“, рече Крис Закарели од ИАА (Independent Advisor Alliance). „Тешко е да се поверува дека рецесијата веќе започна. Внимаваме, но мислиме дека паниката што започна на почетокот на месецов беше преголема“.

S&P 500 порасна за околу два отсто. Технолошкиот индекс Nasdaq 100 скокна за 2,5 отсто. Russell 2000, кој вклучува помали компании, додаде два процента. „Енвидија“ (Nvidia) го предводеше растот меѓу големите технолошки компании. 

Приносите на 10-годишните државни обврзници се зголемија за пет базични поени, на четири отсто. Трговците дополнително ги намалија облозите за агресивно олеснување на Федералните резерви (Фед) во 2024 година.

Криптовалутите пораснаа бидејќи инвеститорите се вратија кон поризични средства на финансиските пазари.

„Акциите закрепнуваат од вчерашниот остар пад, бидејќи стравувањата од рецесија се намалуваат по извештајот за солидни податоци за невработеноста“, рече Хозе Торес од „Интерактив брокерс“ (Interactive Brokers).

Новите барања за бенефиции за невработеност паднаа на 233.000 во неделата што заврши на 3 август, според податоците на американското министерство за труд објавени во четвртокот.

„Секој податок што сугерира дека Фед не заостанува во врска со можното намалување на стапката во септември е добра вест за инвеститорите“, вели Брет Кенвел од „Етор“ (eTor).

Во моментов нема коментари за веста. Биди прв да коментира...

Остави коментар